سؤال: ليه المخبوزات بتنشف بعد التسوية؟
السلام عليكم يا أحلى عدولات أنا حديثة العهد بعمل المخبوزات، وعملت بيتزا مرة، ومرة تانية عملت حلزونات بالجبنة وكانت العجينة حلوة ولمت معايه، لكن بعد التسوية بلاقي المخبوز نشف شوية مش كتير فعايزه أعرف ليه، أما البيتزا فكانت مكتومة شوية هل ده بيرجع لصغر حجم الصينية، وهو لازم أحط بيض في عجينة البيتزا. معلش أنا أسئلتي كتير شويه بس أرجو الإفادة مشكورين مأجورين دمتم بالعافية |
رد: سؤال: ليه المخبوزات بتنشف بعد التسوية؟
بصى يا قمر المعجونات بتنشف ده عن تجربه عيب فرن لان الافران بتاعة المخابز لها تقنيه معينه انها بتسوى الحاجه بسرعه وعلى حراره معينه متخليهاش نشفه لكن الفرن بتاعنا بينشف الحاجه فانتى ادى العجينه حقها كويس فى العجن يعنى ليتى فيها كويس جداا واخدميها وكمان اديها حقها فى التخمير اما البيتزا مكتومه لان العجينه يابسه منك شويه فانتى خلى العجينه فى الملمس زى البانه او العلكه جدا ناعمه وطريه وتانى حاجه اديها حقها كويس فى التخمير ونصيحه خمريها بالخميره البلدى مش الفوريه الى فى اكياس اما البيض على العجينه مش هتفرق لو حطيتى بيضه او شلتيها عادى بس انا كمان بضيف معلقتين كبار لبن بودر على العجينه بيطريها اوى يارب اكون افدتك |
رد: سؤال: ليه المخبوزات بتنشف بعد التسوية؟
تمام زى ما امه الله قالت الفرن هو اللى بينشف العجين
وممكن البيتزا تحطلها معلقه بيكنج باودر كمان مع الخميره بتخليها هشه بس لو الفرن بتاعك مش حلو برضه حتطلع ناشفه احسن فرن فرن الكهربا عن تجربه |
رد: سؤال: ليه المخبوزات بتنشف بعد التسوية؟
عند خروج اى نوع من المخبوزات لازم تغطى بفوطة لمدة 10 دقائق وهنا ان شاء الله تفضل طريه |
رد: سؤال: ليه المخبوزات بتنشف بعد التسوية؟
انا البيتزا بتزبط معاي والحمدلله وما بتنشف لاني بخلي العجينة طرية شوية وترتاح اكتر من ساعتين وبحمي الفرن كتيير . والله يوفقكم .
|
رد: سؤال: ليه المخبوزات بتنشف بعد التسوية؟
لازم يا قمر تعجني العجينه كويس 10 دقايق ولو ضيفتي عليها 2 ملعقة زبادي هتبقى زي القطنه
وبعد ما تطلع من الفرن وتهدى دقيقتين كده غطيها او حطيها في علب عشان تعرق وتطرى جدا معاكي |
رد: سؤال: ليه المخبوزات بتنشف بعد التسوية؟
اقتباس:
مع العتذار ليكم بس انا مع الراى دة لانى فعلا مجربها جميلة جدا الزبادى فى العجينة |
رد: سؤال: ليه المخبوزات بتنشف بعد التسوية؟
اقتباس:
غلط بس فى عجائن لا يجب استخدام الزبادى فيها |
رد: سؤال: ليه المخبوزات بتنشف بعد التسوية؟
انا جربت عجينه البيتزااخر مره عملتهاكانت جميله منفوشه وطريه حطيت زبادى مع بيكنج بودر مع خميره والدقيق طبعا ومعلقتين زيت واعجنها كويس واسيبها تخمر نص ساعه وبعدين افردها فى الصينيه واسيبها كمان نص ساعه وبعدين بحط عليها اللى انا عايزاه وبدخلها الفرن وبالهنا والشفا
|
رد: سؤال: ليه المخبوزات بتنشف بعد التسوية؟
عجينة البيتزا ضيفلها زبادى مع زبدة
لما تخمر اعجنيها وكررى العملية 3 أو 4 مرات حتطلع العجينة معك اسفنجية ولذيذة أنا بعملها بتطلع طرية وكمان الفرن لازم تكون ناره عالية بس مش كتير |
رد: سؤال: ليه المخبوزات بتنشف بعد التسوية؟
انا برضو بتنشف منى المخبوزات مشكروين حبايبى على الافادة
|
رد: سؤال: ليه المخبوزات بتنشف بعد التسوية؟
شكرا لك
|
الساعة الآن 07:02 PM |