عدلات - حافظي على الجوهرة اللي جواكي للي يقدرها وما تتسرعيش في الحب

عدلات (https://adlat.net/index.php)

- فتيات تحت العشرين (https://adlat.net/forumdisplay.php?f=55)

حافظي على الجوهرة اللي جواكي للي يقدرها وما تتسرعيش في الحب

https://upload.3dlat.com/uploads/13814169169.png

سؤال سمعته
...
هل لما فلانة تحب فلان أو فلان يحب فلانة ده حرام؟؟
مجرد الشعور نفسه بالاعجاب حرام؟؟
طيب تيجي نسأل السؤال بطريقة تانية يمكن نعرف نحل اللوغاريتم ده
اول تصرف بتعمليه لما بتحسي كدة ايه؟؟
طبعا بتجري تكلميه
طيب ده صح؟؟ حرام ولا حلال؟؟
طيب واحدة تانية هتقولك انا باحبه ومش باتكلم ومحدش يعرف
ده ينطبق على قوله تعالى : " لا جناح عليكم فيما عرضتم به من خطبة النساء أو أكننتم في أنفسكم..."
تمام يعني يجوز انه أحبه في سري ومن غير ما أقوله هو شخصيا
انتي هتألفي؟؟
لا مش بألف والله
هو الاحساس ده بيبقى بقصد
كل الناس لازم تمر بده
طيب ازاي أحمي نفسي من الوقوع في الخطأ؟
تحطي لنفسك خط أحمر مش ممكن تخطيه
؟؟
كلام ........ لا
تلميح .....لا
تستنيه بقى وهو ماشي عشان تشوفيه (أفلام عربي ) .........لا
ده بعد الاستعانة بالله
وقولي لنفسك " اليك يا زوجي حرست نفسي "
ياااااااااه على نظرة زوجك لما يعرف أنه الأول والأخير في حياتك (ربنا يديه طولت العمر ^_^) احساس رائع والله
فليه بقى ؟؟
ادعي ربنا يجعله من نصيبك .. مش عيب والله انك تدعي كدة
بس الأحسن فى امور الدنيا أنك تدعى انه يسر لك الخير
علشان احنا بشر ممكن الامر ده يكون شر واحنا مش عرفين
قال ربى:
ـ: {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
وخلي عندك قناعة راسخة بأن الزواج رزق
ينفع تعصبي أبوكي وتطلبي المصروف؟؟
والله لو هتعملي ايه ماهو معبرك الا ما تصالحيه
ولله المثل الأعلى تعالى جل شأنه
اطلبي رزقه برضاه
أرجوكي حافظي على الجوهرة اللي جواكي للي يقدرها
ولو اتأخر مش مشكلة
أكيد المواصلات صعبة عاددي يعني بتحصل
بس هييجي ان شاء الله

منقول
متنسوش التقييم

https://upload.3dlat.com/uploads/138141691610.png