كونى شاطرة فى المطبخ بالنصائح دى
https://upload.3dlat.com/uploads/3dl...79433790-n.jpg
نصائح منزلية 1- عايزرة ريحة حلوة وانتى بتطبخى ايه رايك ممكن تحطة قطعة مسك صغيرة ع عين البوتجاز واول ما هتفتحى النار هتلاقى الريحة قالبة الدنيا 2- عندك حلل الومنيوم لونها بيغير عايزة ترجيعها تانى يلا شوية خل وليمون وادعكى ولو عندك ورقة فويل كرمشيها وادعكى بيها وبعدين ميه وصابون وشوفيها وتعالى قوليلى 3-شاطرة فى المعجنات وشغالة بيض ولبن فى الخلط ويتعبك فى الغسيل طيب حطى شوية ملح وقشر ليمون وميه سخنه واضربى الخلاط شوية صغيرين خالص وبعدين بالميه واشطفى 4-بتقشرى الباذنجان وقليه تلاقيه شال الزيت كله وشربه طيب بعد ما تقشريه حطيه فى شوية مياه وملح وبعدين شوية فى الشمس صغيرين وبعدين اقليه 5-بتعملى عصير اى نوع فاكهة وتحطيه فى دورق وتحطيه فى التلاجة كده غلط لان فيتامين ج اللى فى العصير بيبوظ بمجرد تعرضه للهواء يبقى نحطه فى ازايز 6-عينك بتدمع وانتى بتعملى البصل وبتقطعى قبل ما تقطعيه حطيه نص ساعه فقط لا غير فى الفريزر وبعدين قطعيه 7-كلتى اكلة باذنجان بالخل والتوم يلا بسرعه حطى عودين بقدونس فى بوقك وامضغى طيب التوم ريحته مالية ايديكى قشر الليمون وادعكى وبعدين اشطفى 8- بتحمرى اللحمة والسمنة بتطرطشطيب رشى شوية ملح صغيرين للسمنة 9-عملتى نفسك شاطرة وحطيتى التوابل بالنظر والشطة ولا الفلفل الاسود زادوا طيب حطى معلقة او معلقتين لبن ع الاكل بس يكون دافى مش ساقع 10- عندك ذباب كتير او دبان طيب أصيص صغير ازرعيه ريحان او نعناع الروايح اللى بتطلع منه بتطرد الذباب 11- عندك نمل وعمال يفتح ويخرم وهيهد البيت عليكو بعد الشر شوية خل تفاح مع مايه ورشى مناطق التجمع بتاعته المنبع يعنى 12- بتحطى سلة القمامة بتاعتك قدام باب الشقة وشوية وبتسمعى حفلة قطط بتتغدى وسابوا الاكل من غير ما يحاسبوا وبهدلوا الدنيا حطى شوية نشادر ع السلة من فوق 13 - عندك مطحنة وطحنتى توابل والريحة مش راضية تروح وعايزة تطحنى سكر اغسليها واطحنى فها شوية عيش محمص 14- عندك بواقى دهنيه فى قلاية التحمير اديها دعكتين الاول بورق جرايد وبعدين بالصابون |
رد: كونى شاطرة فى المطبخ بالنصائح دى
مشكوووورة حبيبتي
|
رد: كونى شاطرة فى المطبخ بالنصائح دى
تسسلم الايادي حبيبه قلبي
|
رد: كونى شاطرة فى المطبخ بالنصائح دى
|
الساعة الآن 11:17 AM |