عدلات - نصائح لبدايه العام الجديد يا عدولاتي انصح بها نفسي قبل انصحكم به

عدلات (https://adlat.net/index.php)

- منتدى عدلات التعليمي (https://adlat.net/forumdisplay.php?f=100)

نصائح لبدايه العام الجديد يا عدولاتي انصح بها نفسي قبل انصحكم به

بسم الله الرحمن الرحيم
السلام عليكم عدولاتي ازيكم. دي اول مشاركه ليا من النوع ده وعملتها طلبا من عدولتي وصحبتي سوسو .
يلا قبل منبدا كلوا يصلي علي الحبيب المصطفى صاحب الشفاعة .
النصايح ديه انا بنصح بيها نفسي قبل منصحكوا
اول حاجه اتوكلي علي الله واخلصي النيه لله. ارضي ربك عشان يساعدك وكمان مش هوصيكي طاعه الوالدين ريحيهم عشان يدعولك من قلبهم. دي كانت الخطوه الاولي واللي كان لازم ابدا بيها
تاني حاجه أبدأي عامك وانتي في اقصي درجات التفاؤل اتفائلي دايما بالخير هتلاقيه واحلمي او بمعني اصح اتخيلي اتخيلي الكليه اللي انتي نفسك تدخليها دايما قبل متنامي اقفلي عينك واتخيلي صدقيني انا بعمل كده وبشعر بحماس مش طبيعي خليلك دايما رقت تقفلي في عينك واتخيلي انك بتحققي احلامك صدقيني عارفين انا عندي احلام وطموحات كل اللي يسمع طموحي واحلامي يقولي احلمي بحاجه تقدري تحقيقها انا عارفه كويس يعني ايه احباط يعني ايه يكون عندك امل وحد يجي بكلمه يدمر الامل اللي عندك ويبدله بشعور الاحباط. متقوليش ابدا لحد علي احلامك احلامك تبقي بينك وبين ربك انتي انوي واجتهدي واتركي النتيجه والتقدير لله سبحانه وتعالى انت لو هتفيدي وحلمك ده في خير ليكي ربنا هيقف معاكي وينولك حلمك. متستنيش من حد انوا يشجعك كوني انت مشجعه نفسك عارفين انا بحب جدا التفاؤل وبكره جدا الاحباط انا ضد الناس اللي يجوا يقولولك احلمي علي قدك او اللي يقولولك دي قدرته مش هيجيب اكتر من كده. لا دايما رددي انا اتنفس اذا انا استطيع . الواحد فينا بيجيلوا فتره يمل فيها من المذكره ويبدا مستواه ينزل ممكن يرجع يلم نفسوا تاني بس بيكون خسر جزء من المعركه دايما خلي جنبك ورق ملون اكتبي في بعض العبارات التحفيزية وعشان وقت متحسي بإن همتك قلت شويه تكتبي بإيدك عباره تشجعك وترفع من روحك المعنويه عارفين انا بدخل علي النت وحمل صور كتيره عن المذاكره والتشجيع عليها وعن التفاؤل والطموح انتي كمان اعملي كده دا هيساعدك كتير ابذلي اقصي معندك عشان مهما كانت النتيجه متحسيش بالذنب انك قصرتي ومهما كانت النتيجه احمدي الله ومزعليش عارفه ليه لان الله لا يضيع اجر من أحسن عملا وكوني واثقه ان مهما كانت النتيجه فهي الخير ليكي (وعسي ان تكرهوا شيئا وهو خير لكم) متخليش يوم يضيع عليكي الا وانت مستفيده منه اقصي استفاده ونقي الطريقه الانسب ليكي للمذاكره
انا هقول علي حاجه لو ممكن تفيد حد انا كنت ناويه اجيب دفتر عشان بحب دايما اكتب خواطر بتخطر علي بالي بس قررت اني ممكن ااجل الموضوع ده واجيب الدفتر ده واكتب فيه كل يوم من لحظه مبدأ مذاكره هكتب ان شاء الله كل يوم هكتب في اخر اليوم هكتب هل انا فعلا ذاكرت انهارده بما يرضي الله هكتب هل انا راضيه عن نفسي هسجع نفسي بنفسي ومش هحتاج حد يفكرني بواجبي لاني هفكر بيه نفسي. دايما خلي في بالك انك كل مبتتعبي علي نفسك كل مبتلاقي نتيجه تعبك اجمل بإذن الله . متنسيش ربنا عشان وقت متقولي يا رب تكوني مطمنه ' كوني سعيده بما تفعليه اذكر في يوم مُدرستي قالتلي حب ما تعمل كي تعمل ما تحب.
الجزء ده بقي لسوسو واي حد داخل اولي ثانوي حبيباتي انتوا داخلين مدرسه جديده وهتتعرفوا علي بنات كتير انا مش هقولك اقطعي علاقتك بالكل لا بالعكس كوني صدقات كتير وخلي عندك زميلات كتير وقت ميطلبوا مساعدتك ساعديهم وانتي ممكن تحتاجلهم. بس بقولك اتخذي الصديقه والصحبه المتفوقه وانا قلت متفوقة بس لانك عمرك مهتلاقي حد متفوق دراسيا وأخلاقه وحشه ولا ايه . اتخذي الصديقه المتفوقه ولازميها عشان هي دي اللي هترفعك معاها انتي لما تلاقيها مجتهده هتقلديها وهتشجعوا بعض (المرء علي دين خليله) دي كانت النصايح اللي انا نويه اني اعمل بيها ان شاء الله السنادي . انا طالبه في الصف الثالث الثانوي وكتبت النصايح ديه عشان افيد بيها نفسي وافيدكم ادعولي احقق حلمي . اللهم وفقني ووفق كل الفتيات المسلمات وحقق يا ربنا احلامنا جميعا. اللهم آمين. ارجوا ان اكون افدتكم واني مكنش نسيت حاجه وبختم بالحمد لله