عدلات - قصة من قلم عاشق

بدي احكيلكون قصة مع الف غصة وغصة
قصة عروس متل القمر بعيون خضر
احتارو بجمال البشر شعرها الحرير نازل عالضهر
ومشيتها بتتمايل بالخصر سبحان الله الي خلقها
ومصورها متل البدر وفي يوم فرحت العروس
والناس فرحانه وسعيدة وقامت هالعروس
لترقص وناس تقول ميلي ياعروس بخصرك
ياملكت عصرك وعيون البشرية عليها
مو شايفين غير جمالها ماشاءالله حولها وحواليها
وفجاة صار الي صار وقعت العروس ودمعت عينا
ركضت ومسكت ايدا وقلت ........اه...
لاياروحي لاتبكي انا بنتك بقولا وبحكي
انتي الامل انتي الوطن
انتي الحب والزمن
انتي سوريا