عدلات - اضحك من قلبك جامده جدا يا رب تعجبكم

اضحك من قلبك جامده جدا يا رب تعجبكم

الولد لما يكون الفصل في بنات
1- بتقل نسبه غياب الاولاد حتي تصل الي نسبه 99%

2- زياده تركيذ كل طالب مع المدرس وهو بيشرح الدرس بنسبه تصل الي 300% لسببين علشان لو واحده قالتله اشرحلي حاجه يعرف يرد او لو الاستاذ سأله يعرف يجاوب وفي الحالتين علشان ما يتحرجش

3- كل طالب يجي الفصل كل يوم واخد دش ولابس نظيف وشراب جديد علشان يعرف يتمنظر ويبين ان هو يعني مفيش زيه وطبعا لو كل طالب عمل كده هيبقي شكل الطلبه كويس دي حلوه دي

4- ينتهي عصرالفقر وبدل من انهم يشتروا سندوتشات فول من البياع اللي قدام المدرسه ويخلوا ريحه الفصل زباله لا بدأوا يجيبوا فطير بسكر وسندوتشات شيكولاته واحيانا علبه بلاستيك شيك كده هو كاتب عليها كنتاكي وتطلع امه عملها له في الاخر فيها فراخ بنيه (بتحصل علي فكره)
5- تنتهي ايام البخل وعدم تسليف الاقلام والفلوس ويبدأ التعاون من اجل مصالح شخصيه مداريه علشان يتقال الواد ده بيحب يساعد اصحابه ده واد رجوله ولو كتروا في المدرسه دي في مصلحه المدرسه والطلاب والمجتمع وده ما ببيحصلش الا في المدرسه ويطلعوا يصفوا حسابتهم بعيد عن المدرسه

6-الادب و الاخلاق والطيبه والتدين والجدعنه تنتشر بين الطلبه كل واحد يحسسك انه ملاك نازل من السماء

7- يناموا بدري علشان يعرفوا يصحوا الساعه 3 الفجر علشان يلحق يجهز نفسه ويلبس ويرتب الشنطه ويحط الجل ويحضر كلمه اذاعه علشان يبقي صورته حلوه قدام المدرسه كلها خصوصا بنات المدرسه

8- المدرس كل اما يخش الفصل يلاقي روايح ايه كأنه داخل جنينه اللي حاطط hogoo و boss طبعا هو مركبها دي اقل زجاجه برفان من دي تساوي 75 جنيه الاول بقي المدرس مكنش بيخش الفصل علشان روايح بردوا (محدش يفهمني صح )

9-بتقل نسبة النوم بالفصل الى 200%.

10- بتظهر المواهب تلاقي شعراء وكتاب وروائيين و رساميين وشويه رومانسيين يقعدوا يرسموا في قلوب ودباديب

11- والاجتهاد يظهر بقي تلاقي الطلبه كلهم عاملين الواجب ومذاكرين كويس ونازل دح طول الليل يا عين امه وتلاقي المدرسين ينبسطوا منهم وتلاقي لوحه الشرف كلها شباب( من زمان قوي ما شفناش واحد من الرجاله فيها ) يا عيني علينا

12-تلاقي كراسه الطالب من دول ايه شياكه شياكه جلاد واستيكر وتيكت وتشوفها من جوه تلاقي كل سطر بلون ومسطر الكراسه يا قلب امك يا ابني

13-تكثر العزايم في الفسحه وينسوا ايام الفول والبيض والمخلل وتلاقي الشيبسي والكانز والشيكولاته النظيفه ام 3 جنيه مش ام 50 قرش ايه ماليين الدنيا وطبعا كنتين المدرسه كسبان في الحكايه دي والطالب يا عيني عليه

14- تلاقي كل الطلبه عملت ايميلات وجابت خط مميز للموبايل وكل واحد يعمل لنفسه اسم روش كده مثلا طارق كابو ياسين مانشيستر حماده البرنس حاجه كده يعني علشان اما يكتبوا علي الديسك يبقي ليه قيمه جنب الايميل و رقم الموبايل

15- حتي يوم الامتحان تلاقي الطالب نازل دح مش راحم نفسه يا عيني مش علشانه لا علشان البنت اللي وراه اما تسأله علي سؤال يعرف يجاوب السؤال ليها ويفضل طول اللجنه ميحلش حاجه الا لما يمليها الامتحان كله ويطمن ان هي هتنجح وهو كالعاده يسقط (عرفتوا احنا بنسقط ليه )
وفي الاخير البنت تنجح والولد يسقط وهكذا كل سنه الولاد تعمل كده لحد ما تلاقي الواحد من دول عنده 30 سنه ولسه في 3 اعدادي تلاقي بقي الوزاره تسهل المناهج تفتكر ان المناهج صعبه علي الشاب وميعرفوش اللي فيها وفي الاخر البنت تدخل ثانوي تعقد طلاب ثانوي وهي تخش الجامعه تلاقي باقه الشباب بقي اللي مكنش ليهم في البنات وكانوا بأكلوا فول مش فطير بالعسل أو السكر
بس بقوا مركذ وليه قيمه شفتوا بقي بتيجي ازاي

( معلش بقي يا بنات جبتكم بطريقه وحشه )