عدلات - ان فاقد الشئ هو أحسن واحد يعطيه

تجارب الحياة هي اللي بتأكد " ان فاقد الشئ هو أحسن واحد يعطيه " .. يعني مثلا ً :
- اللي بيدخل المستشفي عشان مرض او حد يخصه مريض .. بيبقي اكتر حد عرف قيمة و نعمة الصحة.
- اللي بيفقد ابوه او امه و بيبقي يتيم .. بيبقي في الغالب اكتر حد حنين علي ولاده.
- اللي بيخسر و بيتجرح كتير في حياته .. بيبقي طبيعي يتحول لشخص بارد او مستبيع من كتر ما اتجرح.
- اللي بيحضر دفنة او عزاء حد عزيز عليه .. بيبقي اكتر حد بيشوف الدنيا بشكل تاني و انها ماتستاهلش كل المشاكل اللي فيها.
- اللي بيفشل و بعدين بينجح .. هو اللي بيبقي اكتر حد حاسس بفرحة النجاح.
- اللي بيدوق مُر الجوع .. بيبقي اكتر حد عارف قيمة كل لقمة عيش و فول و عدس.
..
الخلاصة ان مفيش راحة من غير مجهود .. مفيش نجاح من غير شوية خسارة .. مفيش فرحة من غير حبة زعل .. و مش ممكن هنبقي اقوي من غير ما نتكسر ,
و ان فاقد الشئ طبعا ً هو أحسن واحد يعطيه .. لان محدش بيعرف قيمة الحاجة غير لما يشوف و يعيش عكسها ! :))