|
الامهات الخبره ساعدونى
السلام عليكم ورحمة الله وبركاته لو سمحتم يا ماميز اللى عندها خبره تقولى ازاى خليتو اولادكم ياخدو التاتينة بنتى عمرها شهرين ورفضاها رفض تااااام وكل ما اديهالها تطلع لسانها كأنها هترجع وجبت لها انواع كتير وكله صغير وكمان الببرونة كنت بديها فيها البيبى درينك وتمام دلوقتى بترفض تاخدها وبتعملى نفس حركة انها هترجع مش عارفه اعمل لها ونفسى انها تمسك التتاينة فيدونى افادكم الله :155::155::155::155::155: |
رد: الامهات الخبره ساعدونى
اممممممم تقريبا في السن ده من هتاخدها كان لازم تعوديها عليها من اول يوم ولاده
ولو كانت بترضى بنوع معين الاول خليكي على نفس النوع |
رد: الامهات الخبره ساعدونى
انا جربت كل حاجة ولا اي حاجة نفعت ساندي رافضه التيتينه والببرونة خالص علشان كده انا خلاص استسلمت رغم انها كانت بتاخدهم لحد عمرها ماوصل اسبوع وبس خلاص علي كده
|
رد: الامهات الخبره ساعدونى
والله يا هاجر جبتلها كله كبير وصغير والبت رافضه خالص التتينه والببرونه هى هى اللى كانت بتاخدها من عمر اسبوع مش عارفه رفضتها ليه دلوقتى ومش بقيت بعرف اديها الاعشاب عشان على طول عندها امساك |
رد: الامهات الخبره ساعدونى
يعنى ايه يامنى استسلم انا كمان :( |
رد: الامهات الخبره ساعدونى
اقتباس:
والله ياسمسة مش عارفه حل خالص ربنا يهديهالك يارب |
رد: الامهات الخبره ساعدونى
بصى هو طبعا كان المفروض تاخدها قبل كده
وابنى برده وانا بديهاله كان بيعمل نفس الحركات دى بس اهم حاجه مش تديهالها وهى لسه راضعه مثلا عشان مش ترجع فعلا لحد ما تتعود عليها النوع الصغير كويس واحده واحده حتلاقيها مسكت فيها وممكن تقع تانى اديهالها حتمسكها دقيقه وتقع برده ثبتى اديك شويه وهى حتاخدها اتمشى فى الاوضه هى حتسهى مع المشى حتلاقيها اخدتها او بدات تمص فيها لحد ما تمسكها بامر الله هى فعلا مرحه للعيال خالص هانى ابنى كان بينام عليها ولما كان يزن اديهاله يسكت ربنا معاكى ويقويكى |
رد: الامهات الخبره ساعدونى
انا قلتلك كان لازم تاخدها من اول يوم انا واحد من ولادي رضي بيها والتاني كان مستحيل ياخدها كل طفل له طبيعته ده طبعا بالنسبه لتاتينه لكن الببرونة كانو مدمنين لها
وبالنسبه للاعشاب اديها بالمعلقه او حقنه طبعا هتبقى حاجة ممله انا عارفه بس معلش اتحملي او جربي حل اخير شوفي التاتينه بتاعت الببرونة ممكن تكون مفتوحة زياده بتنزلها كتير وتخليها تشرق او مسدودة وبتغلبها في المص علشان كدة كرهتها |
رد: الامهات الخبره ساعدونى
اقتباس:
|
رد: الامهات الخبره ساعدونى
اقتباس:
|
رد: الامهات الخبره ساعدونى
صدقيني الاحسن متاخدش التيتينة دي
لكن البيبرونة حماتي كانت بتقول ممكن تدهينيها حاجة مسكرة علشان ترضي تاخدها و تحبها ممكن مياه عليها معلقة سكر و ادهينيها و شوفي ربنا معاكي |
رد: الامهات الخبره ساعدونى
انا كمان بنتي رفضتها و كانت برضوا شهرين
معلش استحملي العياط و الزن .. لما تقفل الاربع شهور هتقلل الزن و العياط |
رد: الامهات الخبره ساعدونى
الأطفال معاملة خاصة بالنهاية هوو بيبي من عمر يوم الى 6 سنين لازم تكوني متل رفيقهم ببكل مكان |
رد: الامهات الخبره ساعدونى
انشاء الله ستصبحين خبرة مع الوقت
|
رد: الامهات الخبره ساعدونى
ربنا معاكى :(
|
| الساعة الآن 01:09 PM |