عدلات - حماتى و الرز

السلام عليكم
انا كان متقدملى شخص الشخص دا كان زميلى ف الكليه وكان فيه اعجاب بينى وبينه و بعد التخرج فعلا اتقدم ليا لكن تانى يوم قرايه الفاتحه حصل اختلاف فى الاتفاقات ومحصلش نصيب بس من طرفهم هما

حلمت انى كنت ف بيتهم و كنت قاعده مع مامته و زى ما يكون انا مخطوباله و معزومه عندهم و طنط كانت طابخه فكانت داخله المطبخ فدخلت معاها هى دخلت المطبخ الاول وانا قبل ما ادخل استأذنتها ادخل قالتلى اه طبعا يا حببتى اتفضلى كانت طابخه رز و مش فاكره ايه تانى بس اللى فاكراه الرز لانها كانت بتغرفه ف اطباق وانا كنت بغرف معاها
بس وانا بغرف جيت اسوى الرز ف الطبق بالملعقه قالتلى احنا عاندنا لما بنغرفه فى الطبق بنسيبه زى ما هو كده
بعدين حطت اطباق الرز على السفره وانا حبيت اكل منه اعرف طعمه يعنى بيطبخوا زينا ولا بطريقه معينه يعنى اشوف هى بتطبخلهم ازاى وطبيعه وطعم اكلها ايه فدوقته لقيته طعمه كويس بس كنت متخيلاه انه هيكون طعمه محصلش لقيته عادى زى ما الناس كلها بتعمله و صحيت على كده