عدلات - كوسة وبطاطس بالباشميل من مطبخى جديدة

السلام عليكم ورحمة الله وبركاته
المقادير
نص كيلو كوسا
نص كيلو بطاطس
نص أو ربع لحمة مفرومة
بصلة
وكوب ونص دقيق
نص كيلو لبن او كيلو
ملح وفلفل اسمر وورق لورى
فلفل اخضر وطماطم
مكعب مرقة دجاج
جبنة موتزريلا او تركى او حسب الرغبة
الطريقة
بصراحة الطريقة دى من ابتكارى انا كان نفسى اعمل كوسا وبطاطس محشية وبالباشميل بس كانت بتفشل وكانت
الكوسا والبطاطس بتطلع مش مستوية فعملت محاولات فشلت ولكن الحمدلله توصلت للطريقة دى وطلعت جميلة جدا
أولا تأورى الكوسا والبطاطس بس تكونى منظفاهم كويس عشان لو أحتجتى تعملى بالى هتطلعيه منهم عجة أو أى طريقة للاستفادة منها
ثانيا تعملى العصاج عادى جدا وبعد ما يستوى تحطى عليه قرن وفلفل وطماطماية متقطعة صغير او حسب رغبتك
بس المهم تتبليها وتحطى معاها ورق لورى وممكن كركم حسب رغبتك وحسب اولادك ما بيحبوا وزوجك طبعا
ثالثا الاباشميل تحطى السمنة ع النار وبعدين الدقيق وتحمريه للون الدهبى وبعدين تضيفى الحليب وع التقليب المستمر
وتتبليه مع مراعاة الملح لان المكونات كتير يعنى تضعى نسب بحيث انه ميطلعش مالح
وبعد كدة تحشى البطاطس والكوسا مع مراعاة حجمهم ميكونش كبير علشان تطلع مستوية كويس
المهم بعد ما تحشيها تحطى نص كباية ماية فى الصينية ومكعب مرقةوتغطيها وتهدى النار عليهم ومتحطيش ملح فيها لان المرقة بتكون مالحة ممكن نسبة بسيطة
وبعد ما تستوى البطاطس والكوسا ع النار وتقدرى طبعا تختبريها بسكينة
تجيبى بعد كدة الباشميل وتغطى بيه الصينية فوق الكوسا والبطاطس وممكن تضيفى بيضة داخل الباشميل وبعد كدة ممكن تحطى كمان جبنة موتزريلا ع الوش او تبشرى جبنة رومى اذا اولادك بيحبوها وتدخليها الفرن وبعدين تولعى الشواية مش هتاخد وقت كتير فالفرن لانها كلها مستوية كويس
طبعا ممكن تبان الطريقة متعبة شوية بس النتيجة صدقونى جميلة جدا دة بالاضافة ان الاولاد هيحبوها جدا وطبعا اديتيهم خضار بطريقة محبوبة ليهم ومكوناتها الغذائية كبيرة جدااا
وجربوها على مسئوليتى
وبالهنا والشفا:039: