عدلات - 12 12حاجة امك مخبياها عنك اول مرة اعرفهم الصراحة :')

عدلات (https://adlat.net/index.php)

- منوعات x منوعات - مواضيع مختلفة (https://adlat.net/forumdisplay.php?f=43)

12 12حاجة امك مخبياها عنك اول مرة اعرفهم الصراحة :')

12 حاجة امك مخبياها عنك اول مرة اعرفهم الصراحة :')
((:heart:))_____((:heart:))_____((:heart:))_____((:heart:))______((:heart:))
1- أمك عيطت بسببك كتير بس انت ماشفتهاش ولامرة وكنت فاكر ساعتها ان محدش حاسس بيك

:heart:
2- أمك كان نفسها ف الحتة اللي ادتهالك من التورتة واخر سندوتش فاضل بس سابتهولك وهي فرحانة

:heart:
3- أمك عارفة انك بتتكسف منها قدام اصحابك وبتتضايق...واتكسفت لما بهزار كدا اتريقت عليها وانتوا بتتكلموا بس ضحكت و اتريقت معاك عادي عشان بس انت تفضل تضحك

:heart:
4- أمك كائن ضعيف..رغم كل القوة اللي هي فيها عشانك بس بتخاف وبتقلق وبتتعب كتير اوي.
.
:heart:
5- أمك عارفة انك بتحب حبيبتك اكتر منها...ولسة بتحبك برضو اكتر من حبيبتك

:heart:
6- أمك راقبتك كتير و بصت عليك وانت نايم...بحق وحقيقي مش مشهد ف فيلم

:heart:
7- أمك شالتك...اكتر من ال9 شهور اللي كله بيغني بيهم دول

:heart:
8- أمك قلبها اتكسر بجد لما شافتك بتعيط وموجوع..بس ضحكت قدامك عشان تضحكك

:heart:
9- أمك اتخبطت واتعورت واتلسعت كذا مرة وهي بتطبخ
بس مابينتلكش وكان عندها الاهم تعرف الاكل عجبك ولا لأ

:heart:
10- 90% من احترام قرايبك واعجابهم بيك بسبب المدح اللي امك بتقوله فيك قدامهم..من وراك

:heart:
11- أمك بتحبك اكتر من اي حد ف الدنيا...يمكن اكتر من ابوك

:heart:
12- أمك مستعدية تعمل اللي فوق دا كله 100 مرة و برضو تفضل مخبياه عليك..

:heart:
امك مش مستنية مقابل قدام كل الحاجات دي...ولا عايزة تمسك مايك وتقول شوفوا يا ناس انا بعمل ايه...

امك هى معنى كل حاجة حلوة يارب يخليلنا امهاتنا