|
انا وبيت العيله اه ياقلبى
السلام عليكم ....انا محتاره جدا ومش عارفه افكر ولا ابطل عياط وزعل حكايتى ممكن تكون طويله انا عابشه فى بيت عيله وليا 3سلايف غيرى وحصلت مشكله وانفصلوا كل واحد لواحده وانا قاعده مع حماتى بس المشكله انى المشاكل بدات تزيد بعد اما كنت انا وجوزى محدش بيعرف خناقتنا بقيت حماتى تلح عليه يحكلها زعلنا وتمسكنى تحرق دمى وتدافع عن ابنها حوزى حكالها لاول مره مشكلتنا وياريته ماحكى جوزى طيب وحنين وكريم بس عنده اهم حاجه عيلته بيهتم بكل حاجه الا انا بيجى عليا كتير انا حامل ونفسيتى بقيت زى الزفت ومحدش حاسس بيا وحماتى تقولى اصحى بدرى وانزلى واشيل تقيل انا حاملى عاوزه انام كتير حاسه انى مشتته النهارده قالتلى اقعدى لوحدك علشان مش عاوزه ابقى فى مشاكل وخدى اكل واطبخى فى شقتك قولتلها الكلمه كلمه جوزى ماصدقت وطبخت وكلنا سوا بس هى من النوع لو طبخت فى حله لازم تشوفها لو هعمل سلطه لازم تقولى قد ايه بفضل راحه جايه اسالها دى تتعمل ازاى ودى ازاى بتعب ولو زعلت منى بتتقمص بسرعه وممكن تشتكى الا حد تقعد معاه وابان انا زى الزفت وهى مظلومه ...انا تعبانه وعبنى ورمت من العياط اوقات بقول حسبى الله مع انها قريبتى جدا دلونى اعمل ايه
|
رد: انا وبيت العيله اه ياقلبى
لا حول ولا قوة الا بالله حبيبتى كلمى جوزك بينك وبينه واكيد حيخاف عليكى لانك حامل
اصبرى وربنا يهدى الحال |
رد: انا وبيت العيله اه ياقلبى
ربنا يدلك على طريق الخير
ربنا يفرحك ويسعدك قادر ياكريم |
رد: انا وبيت العيله اه ياقلبى
جوزى كان موافق نقعد لوحدنا بس من غبائى قولتله لا امك تاكل لوحدها ومردتش اسيبها وصعبت عليا بس بندم انا بطبخ وبساعدها فى كل حاجه بس مبقتش مرتاحه نفسى ابقى حره نفسى اطبخ واشترى وانا حره شكرا لردك يا حبيبى
|
رد: انا وبيت العيله اه ياقلبى
يارب ادعولى ربنا يحلها من عنده
|
رد: انا وبيت العيله اه ياقلبى
اللهم اصلح حالها ويسر امرها يارب
|
رد: انا وبيت العيله اه ياقلبى
يارب امين تسلموا يارب ويارب ما تشوفوا حزن ولاهم ولاضيقه يارب
|
رد: انا وبيت العيله اه ياقلبى
ربي يسهل امرك حبيبتي
وهذه المشاكل اصبحت في كل بيت والزوجة وحماتها بس انتي طولي بالك حبيبتي لان الزعل يضر بصحتك واحسبيها مثل امك |
رد: انا وبيت العيله اه ياقلبى
الله يسعدك ..ويسر امورك
|
رد: انا وبيت العيله اه ياقلبى
ازمة وتعدي ان شاء الله..حتى ظغوط الحمل تسبب لك حساسية
اكثري من الاستغفار والدعاء |
رد: انا وبيت العيله اه ياقلبى
لا حول ولا قوة الا بالله
|
رد: انا وبيت العيله اه ياقلبى
ربنا يصلح حالك وييسر امرك
|
رد: انا وبيت العيله اه ياقلبى
مشكلة عويصة خصوصا ان جوزك مرتبط بامه المهم اختي هدي نفسك لحد ما تخلفي وبعدين اقعدي ما جوزك في حالة روقان وقولي له انا عايزة استقل بنفسي انا مش حاسة اني مجوزة كل حاجة تدخل فيها وربنا يعينك
|
رد: انا وبيت العيله اه ياقلبى
حاولي ان تعامليها كامك فان عاملتها هكذا ستتحملين منها كل مر وانت راضية تمام الرضا وان شاء الله ستحل مشكلتك
|
رد: انا وبيت العيله اه ياقلبى
ربنا يعينك من دلوقتى قولى لجوزك وحليفيه ميقولش لحد انك تعبتى وهوه يشوف صرفه انك تبقى مع نفسك وربنا يحلها من عنده وتقولك اطلعى شقتك مش عاوزه مساعده |
رد: انا وبيت العيله اه ياقلبى
حبيبتي انا حاسه بوجعك الله يعينك بصي علشان ترتاحي لازم تاكلي بعقلها حلاوه زي ما بيقولو وتسيطري علي تفكيرها من نحيتك شوفي نقطت ضعفها واستغليها لصالحك وزوجك لازم تعوديه مشكلكم جوه شقتكم برا شقتكم تتعاملو عادي خالص علشان محدش يعرف ان فيه مشاكل اصلا ربنا معاكي وحاولي تعزلي تاني لوحدك همك هيقل شويه انا اتعزبت كتير بسبب بيت العيله ربنا يوفقك ويعينك عليهم
|
| الساعة الآن 08:04 PM |