عدلات - اعاده التدوير فى المأكولات

https://www.d2n2h.com/vb/imgcache/2/16083alsh3er.gif
اعاده التدوير فى المأكولات
1- الارز البايت \ استخدميه فى الكشرى
او اعملى رز جديد وقبل ما يستوى بحاجه بسيطه حطي عليه البايت وقلبيه مش هيبان خالص
او اضربيه فى الخلاط مع بيضه وشويه بقسماط وصبعيه وحمريه زى الكفته
2- بقايا الخضار \ عندك فلفلايه على بططسايه على حبه كوسه مثلا قطعيهم على حبتين قوطه وتوابل وهدى النار عليهم
* بقايا الجزر االاصفر اسلقيها وحطيهم على عصير البرتقال او المهلبيه او عصير المانجو
* بقايا الفاكهه عندك حبايه من كذا نوع قطعيهم وعلى الخلاط مع ميه وسكر هيبقى احسن كوكتيل
3 - بقايا الخبز \ حمصيه فى الفرن للفته وممكن على اللبن
4- بقايا الفينو | حمصيها بالفرن واطحنيها فى الكبه او المفرمه وعليها توابلك وفلفل اسود وملح ومكعب مرقه وهيبقى احسن بقسماط للفيجتيار وممكن تحطى منهم على الكفته والباشميل
5- بقايا الجبن | اعملى بيتزا وحطيها عليها مع فلفل وزيتون
6- دايما خلى عندك برطمان للمخلل اى خضار يدبل جزرة خيارة ... ارميها فيه وكلى مخلل ببلاش
7 - الدقيق ده لا بد من وجوده فى كل بيت لانه ببساطه منقذ
ولادك جاعو على عغفلة معندكيش اكل او جالك ضيف من غير ميعاد
يبقى كوبايتين دقيق على معلقتين زبده على نص معلقه ملح وسكر على شويه لبن واعجنى واعملى فطاير باى حشوه حلوة او حادقه وممكن تحمريها او تحطيها فى الفرن وبالف هنا
8 - بقايا الفراخ خاصة الصدور لان الولاد مش بيحبوها بتبقى ناشفه شويه عليهم قطعيها صغير مع ملح وفلفل وبصله ومعلقه صلصه وعلى نار هادية وكلى احلى اكله
/////////
اعادة تدوير الملابس
* بنطلون جينز قصر على الولاد ممكن تعمليه شورت
* اعملى منه مريله مطبخ
* اعملى منه مقلمه لولادك
* جيبه واسعه شويه ومش بتتلبس دى ممكن توديها للخياطه تقلبها فيست لبنتك او بنطلون لطفلك
* الشرابات القديمه خاصه شرابات المحجبات اقطعى منها الاستيك اللى فوق واعمليه استك شعر لبنوتك
* فلانات جوزك القديمه دى احلى حاجه فى التنضيف
* طرحه من طرحك موضتها قدمت وعندك تيشرت بنوتك قصر عليها او اتقطع من تحت قصى منه جزء من تحت وركبى الطرحه كانها كورنيش مثلا وهيبقى شكله جميل
* لو عندك طرحه شكلها مش عاجبك ركبى على ديلها بالعرض حاجات من اللى بيتبقى فى الطرح بتتباع عن محل الخردوات
* عندك بقايا دانتيل ركبليها استيك واعمليها توكه لبنوتك
* لبس المدرسه مش لازم كل سنه جديد خرجيه من دلوقتى وافحصيه شوفى اللى محتاج زرار او يظبط ظبطيه حتى لو اشتريتى يبقى طقم واحد ويغيرو ا مع القديم
*شنطه المدرسه ممكن نجدد فيها باستيكرات ويبقى شكلها جميل كانها جديده

الافكار كتير وكل واحده ممكن تبدع وتبتكر بس نحاول ومنستسهلش ونشترى

https://www.d2n2h.com/vb/imgcache/2/16084alsh3er.gif