|
~_~ لآااا يا ماما انا موبايلى طول عمره شريف ~_~
السلام عليكم
ازيكوا يا أحلى زهرات فى الكون عاملين ايه ؟؟ يارب تكونوا تمام طبعاً مستغربين من العنوان ودخلتوا تجروا علشان تعرفوا مين شريف ده ههههه (طبعاً مش شريف شريف يعنى لأ شريف بمعنى عفيف ومؤدب ههههههه) تخيلى يا زهراية تخيلى انك بتحبى ولاد أو حتى تخيلى المنظر وانتى مثلاً موبايلك ما فيهوش رصيد وقولتى لصاحبتك ممكن مكالمة بس أكلم البوى فريد بتاعى فتقولك : لآ يا ماما انا موبايلى طول عمره شريف هيبقى منظرك ايه قدامها وهى كسفتك بالشكل ده ؟؟ والصراحة هيبقى عندها حق ساعتها تخيلى يا زهراية تخيلى انك فى يوم عمالة تحكى لصاحبتك على مواقفك الظريفة اللطيفة انتى والبوى فريند بتاعك وفــجــــآة تانى يوم تلاقى كل الفصل عرف انك بتحبى ولاد وصاحبتك قالتلهم على كل حاجة هتحسى بايه لما تلاقى كل أصحابك بيبعدوا عنك ؟؟ ويقولوا عليكى انك قليلة الأدب كسبتى حاجة دلوقتى ؟؟ تخيلى يا زهراية انك فى يوم اكتشفتى ان مفيش حاجة اسمها حب واحنا صغيرين وان اللى كنتى بتحبيه كان بيلعب بيكى وانك كنتى غلطانة فى كل لحظة عينك أساساً بصت فى عينه او خاطبتيه مش هتكسبى حاجة غير انك هتكونى ندمانة على الوقت اللى كنتى معاه فيه وما كنتيش بتصلى هتفضلى ندمانة على الوقت اللى كنتى مضيعة فيه رصيدك وعمالة تكلميه وما كنتيش بتقرأى قرآن تخيلى يا زهراية انك فى يوم القيامة وانتى بتتحاسبى وربنا بيسألك ليه ما صليتيش اليوم ده ؟؟ هتقولي أصلى كنت خارجة مع البوى فريند بتاعى ؟؟؟!!!! كسبتى ايه غير انك هتخشى النار ؟؟ الا طبعاً لو قعدتى مع نفسك واستغفرتى لربنا وتوبتى ليه ؟؟ أصل انا برده مش مفتية علشان أقولك هتخشى النار ولا الجنة ربنا الوحيد اللى يعرف طب ليه تعرضى نفسك للمواقف دى وانتى بايدك تستغفرى لربنا وتتوبى وتبقى انسانة كويسة وما تحبيش ولاد أساساً ؟؟ لو انتى يا زهرة بتحبى ولاد والكلام ده ياريت تستغفرى وتتوبى لربنا وتصلى وتقرى قرآن وتبقى انسانة محترمة كل اللى حواليكى بيحبوكى ويقولوا عليكى انسانة كويسة من جوا ومن برا يارب تكون رسالتى وصلت لكل واحدة بتعمل كدة ويارب الموضوع يكون عجبكوا ولو عجبكوا اوووووعوا تنسوا التقييم ولو سئ جداً ولو شايفاه يستحق التثبيت رشحيه للتثبيت فى أمان الله "منقووول" |
رد: ~_~ لآااا يا ماما انا موبايلى طول عمره شريف ~_~
يسعدني ويشرفني انى اكون اول واحدة تقولك
تسلم ايديكي ياميرو رووووووووووعة بجد واحلى تقييييييييم طبعا ممتاااااااز [mention=81769]فرفوشة منكوشة[/mention]; |
رد: ~_~ لآااا يا ماما انا موبايلى طول عمره شريف ~_~
يسلمووو
|
| الساعة الآن 02:04 AM |