عدلات - روتين شهرى للاعتناء بالجسم و الشعر و البشرة

السلام عليكم

اسعدنى جدااااااااا سؤالكم عنى فترة غيابى . انا كنت مسافرة و رجعت امبارح و مجبتش ادخل عليكو بايدى فاضيه و بما انى بسوق منتجات تجميل و بقدر التجميل جدااا ف دول شويه نصايح تساعدكم على الماشى .
للبنات اللى لسه بتتعلم تهتم بنفسها دا روتين شهرى يوضحلك الامور
روتين سهــل وبسيط لعنايتك طول الشهر
1- حماااام مغربى مره فى الشهر
2-سكرااب مره كل اسبوع لجسمك بملح الحليب مثلا او سكر وزيت زيتون او باى اسكرب سنفره عندك وطبعا ماسك سنفره لبشرتك
3- ماسك مغذى يوم اه ويوم لا
اختارى حاجه واحده من دول عشان النضاره لبشرتك
(حبوب الحلبه او حبوب الكولاجين- كبسولات فيتامين e-حبوب الخميره -ماسك حليب نيدو- فيتامين سى- كريم بالكولاجين يستحسن لفوق ال 30 )
تختارى حاجه من دول بس تعمليها يوم بعد يوم للنضاره والتفتيح وشد البشره وتاخير التجاعيد اختارى على اساس مشكلتك
4- غسول يومى لبشرتك يكون خالى من الصابون
5- كريم نهارى او صن بلوك وكريم ليلى ولو بشرتك دهنيه اووى بلاش كتر الترطيب ليهاا
6- كريم مرطب للعين ( فيتشى او كلينك او لوريال او بوندس )
7- امسحى اى مكان غامق فى جسمك زى ( الركب والاكواع والرقبه والمنطقه الحساسه والابط ) بالاسكينول وتستعملى اى كريم تفتيح لها لو هيا عندك غامقه
8-الترطيب اليومى لجسمك
9-اشربى 2 لتر مايه فى اليوم
10- اغسلى سنانك مرتين فى اليوم واستعملى مضمضه كويسه
زى ليسترين
11- اعملى باديكير لنفسك كل اسبوع
12- حمام كريم او زيت لشعرك مرتين فى الاسبوع