|
ارجو تفسير حلمى ضرورى قلبي مقبوض وخايفه قوى
بسم الله الرحمن الرحيم
ازيكم يابنات تفسير حلمى لانى هننقل مكان جديد وخايفه من ساعه مصحيت مع العلم انا نمت الساعه7 الصبح وصحيت 10 من كتر الخوف حلمت ان انا عروسه ولابسه فستان ابيض والناس بتزفنى وبيغنوا ومبسوطين ووقفين فى حته فى واسعه فى بلدنا بس كنا فى الشتاء والشوارع ملاينه طين .وانا واقفه بعيد شويه عن الزفه مع اهل جوزى وكانوا متضايقين من بنات خالتى انهم بيغنوا فى فرحى وبيزفونى .فااهل جوزى قالوا سبيهم ويلا نمشى من شارع جانبي والزفه والناس تلف انا زعلت من جوايا .ومشيت من الشارع بس الشارع بحاله طين والشوارع مش نضيفه .بس كنت راكبه فى العربيه وفضلت ماشيه لحد ماوصلت برة البلد ووقفت فى مكان نضيف شويه لحد ماالزفه وصلت واهلى وصلوا. ونزلت من العربيه والناس كلها جايه تجرى عليه واخواتى الصبيان عايزين يجوا عندى بصيت لقيت ابويا بيضرب فيهم جامد واخواتى واقعين فى الارض وابوي ماسك طوبه وبيضرب جامد واخواتى اتبهدلوا ومرمين فى الارض وبيعيطوا وابويا بيضربهم بكل غباء انا شوفت منظر اخواتى وهما بيموتوا من الضرب كان منظرهم زى الخناقات كدة .منظر مش راضى يروح من دماغى .انا جريت عليهم وقعدت اصوت واجرى فى الطين بالفستان واعيط ومخنوقه جنب اخواتى .وخلاص بس ساعت ماصحيت مكنتش قادرة افتح عينى كنت حاسه انو بجد مش حلم. |
| الساعة الآن 11:54 AM |