عدلات - لو حد ظلمك فى يوم من الايام هتعمل ايه

اخواتى الافاضل حبيت اكلم عن موضوع الظلم لانه أنتشر كثيرا فى هذا الزمان مش هلقى اللوم غير على البشر هم الا بيظلمو بعض ويفتحو لأبليس اللعين باب يفرح قلبه ويقعد يتفرج على البشر الا هو بيكرهم لان الله فضلنا عليه ولا تنسو ان الله حرم الظلم على رساله أبعثها عن طريق هذا المنتدى الجميل الا كل من يقرأ هذا الكلام أياك والظلم فأن الظلم ظلمات يأخذنا من النور الى الظلام أنا حبيت أكتب هذا الموضوع لأنى أتظلمت فى هذه الحياه كثيرا وراضيه الحمدلله اللهم لا أعتراض تعملى ايه لو اتظلمتى من حد قريب منك او بعيد هقولك الغريب مش يوجع ويكسر زى القريب خصوصا لو كان أب ,أم,أخت,أخ,زوج فشده الالم والحزن أقوى من أى شىء فى الوجود تعملى ايه موقفك هيبقى ايه هتعيشى جوه حزنك وتقفلى على نفسك بقولك أوعى تعملى كده الدنيا ما وقفتش حاجه بسيطه خالص هتعمليها هترتاحى أولا:قولى الحمدلله وأذكرى ربنا كثيرا ان ربنا هو الا هيعينك أكثر من أى حد اوعى تقولى مليش حد اروحلو او اكلم معاه ازاى تقولى كده وعاكى من لايغفل ولاينام بيسمعك ليل ونهار عمره ماهيقولك اسكتى بقى ولا كملى بعدين ولاهيقطع عليكى كلامك0ثانيا:صلى الفجر وداومى عليه وقراءه القرآن فانهم علاج نفسى رائع له مفعول السحر اوعى تقولى اخد دواء نفسى وكلام فاضى دى الدكاترة النفسية ديه معظمهم ظالم وعايزين هما يتعالجو لان معظمهم ضعيف الايمان انتى مش محتاجه حد غير ربنا هو الصاحب أكلمى معاه هوالجليس فاجلسى معاه بقرآه القرآن الكريم هو الا هيسمعك ويعتنى بيكى ويهديكى ويريج قلبك ويعالجك من الالام الظلم بدعاكى ليه هيجيبك مع الالحاح وليس الاستعجال الدعاء مع الصبر "يا من تجيب دعوه المضطر اذا دعاه""وقال ربكم أدعونى أستجب لكم" ودعوة المظلوم مفيش بينها وبين ربنا حجاب تفتح لها أبواب السموات وربنا يقول"وعزتى وجلالى لانصرنك ولو بعد حين"أفرحى ربنا هينصرك ولو بعد حين ممكن بعد ساعه ممكن بعد يوم ممكن بعد سنين بس هينصرك وانتى هتعرفى بس كفايه انك تحطى ثقتك بالله مش هيضيعك ابدا عكس البشر أما الظالم فعقابه عند ربنا شديد بجميع الاحوال كفايه كلمه ظالم دى كلمه قويه بجميع حروفها حلال عليه عقابها من ربنا فهو"يمهل ولا يهمل"وكفايه جزاء المظلوم عند ربنا من حسنات وصبره على البلاء دايما كنت أخد سيدنا يوسف عليه السلام وسيدنا محمد صلى الله عليه وسلم أقتدى بيهم لما اتظلم فقلبى يرتاح فهم القدوه الحسنه لنا ويجب ان نقتدى بيهم عندى كلام كتير عايزة اقولهلكم معلش طولت عليكم يا رب اكون فيدتكم وريحت اى واحده .