قنبله تنظيم وتنظيف البيت حته حته وكل مايخصك ياعدوله
السلام عليكم ورحمه الله وبركاته ازيكو يابنات عاملين ايه اولا اعذروني علي الكتابه الي هاتكون بون واحد وعئم وجود وشوس حلوه تفصل بين الكلام لان انا داخله من الموبايل وللاسف الخواص دي مش متوفره علي الموبايل لازم يكون كمبيوتر المهم بقي ندخل في الموضوع
***- ***- الموضوع ده هايكون كل مابخص الستات وتركيزا علي البيت ده من غير ماننسي نفسنا لازم يكون لينا قواعد في حياتنا نعملها علشان نحصل علي الحياه المنظمه الهاديه المستقرة وده هايخلينا طبعا مرتاحيين نفسيا طيب ياست ريمي وايه هي القواعد حاضر واحدة واحدة عليا ده انا حتي جديده في المنتدي خلوني ارغي معاكوا شويه هههههههههه ***- ***- ***- * #القواعد# >الجانب الديني< 1- الصلاة 2- اذكار الصباح والمساء 3-ورد يومي حتي لو صفحه //////// >التنظيف اليومي< 1-تهويه الشقه وتشغيل سورة البقرة 2-ترويق الشقه وش من الكراكيب 3-تلميع الشقه كلها 4-كنس الشقه كلها بالمكنسه الكهرباء يوم اه ويوم لا مافيش اسهل من كده 5-تلميع الحتت الي باينه من الارض يوم اه ويوم لا يعني يوم كنس ويوم مسح وهابقي اتكلم في النقطه دي بالتفصيل ان شاء الله 6-عمل الاكل 7-غسل المواعين والبوتجاز والرخامه 8-معموقه وهابقي اقولكوا عليها بالتفصيل ان شاء الله /////// >تحضيرات مسبقه< خضار وصلصات وكله هعلمكوا ازاي تتبعوا اسلوب حياه في بيتكوا هايحببكوا في المطبخ وهابقي بردو اتكلم بالتفصيل ان شاء الله /////////( >انتي ياجميل بقي عنياتك بنفسك< 1-غسل الاسنان صباحاً ومساءا 2-دعك الرجل يومياً بالحجر علي خفيف كده 3-ترطيب الايد والرجل 4-ماسكات لو محتاجه مش هااكتر علشان محدش يمل خلينا في الحاجات الاساسيه والي تزود تبقي ممتازة ***- ***- ***- واهم حااااااااااجه الصحيان بدري يستحسن الفجر مااجمله وعلشان مش اضغط علي حد علشان كل واحده وليها ظروفها اخرنا نصحي 8 مش متاخر عن كده علشان نلحق نفطر براحتنا وندلع نفسنا كده @ده مبدا الجروب علي الماشي كل البنود الي فاتت هاشرحها بالتفصيل ان شاء الله في المشاركات الي جايه @ {بس في حاجه هايزة اخد رايكوا فيها الاول انا رايي يكون الجروب ده للنقاش وندي لبعض التقرير وكده واعمل جروب تاني يكون فيه الكلام المفيد بسسسس من غير ماحد يرد ولا يدردش هناك علشان يكون مرجع لينا كلنا يكون قنبله معلومات وانا بحب الصور وعارفاكوا بتموتوا في الصور مش هاحرمكوا من حاجه ان شاء يعني هانزل تنظيف حته حته زي ماهانتفق بالصور واكلات وحاجات جميله بس علشان الي تدخل جديدة مش تتوه وسط المشاركات ولو واحدة عندها معلومه مفيده تقولي وانا هانقلها هناك بردو بحيث يكون كتله معلومات تفيد كل البنات ان شاء الله } يلا عايزة اشوف المشاركات والتشجيع والاراء وفكره الجروبين حلوه ولا ايه انا حاولت الون الموضوع من الرد السريع ده الي قدرت عليه اعذروني |
رد: قنبله تنظيم وتنظيف البيت حته حته وكل مايخصك ياعدوله
يعطيك العافية اختي موضوعك في غاية الروعة حتى بدون صور
|
رد: قنبله تنظيم وتنظيف البيت حته حته وكل مايخصك ياعدوله
موضوع روعة تسلم ايدك وحلوة فكرة موضوع قنبلة المعلومات إن شاء الله هتابع معاكي |
رد: قنبله تنظيم وتنظيف البيت حته حته وكل مايخصك ياعدوله
اقتباس:
|
رد: قنبله تنظيم وتنظيف البيت حته حته وكل مايخصك ياعدوله
اقتباس:
تنوريني ياجميل عايزين همه. |
رد: قنبله تنظيم وتنظيف البيت حته حته وكل مايخصك ياعدوله
اقتباس:
نزلت الموضوع التاني ونزلت اول مشاركه وده اللينك https://adlat.net/showthread.php?t=302532 |
رد: قنبله تنظيم وتنظيف البيت حته حته وكل مايخصك ياعدوله
انا نزلت الموضوع التاني ونزلت اول مشاركه يلا عايزة الجروب بكبر والي تدخل جديده تقر بالسي في بتعها وانا اولكوا انا اسمي ريهام وخريجه صيدله مش بشتغل ولسه معنديش اطفال متجوزة من سنتين يلاا مين معانااااااا وده لينك الموضوع الي في المعلومات بس https://adlat.net/showthread.php?t=302532
ولو تحبوا انزل المعلومات هنا وهناك اوك بس عايزه اخد رايوكوا عايزة همه ومشاركاااات |
رد: قنبله تنظيم وتنظيف البيت حته حته وكل مايخصك ياعدوله
اقتباس:
موضوع روعة يا ريمي انا قيمت من غير رد حسب التعليمات ناديني أمل بكالريوس تجارة ومش بشتغل حسب ما فهمت هنبدأ من بكرة إن شاء الله أنا النهاردة هحاول أرتب الشقة شوية علشان يكون الشغل خفيف وتسلم إيدك يا قمر وفي انتظار باقي البنات ويا رب الموضوع يتثبت علشان مفيد جدا ومش شايفة زيه في القسم |
رد: قنبله تنظيم وتنظيف البيت حته حته وكل مايخصك ياعدوله
اقتباس:
|
رد: قنبله تنظيم وتنظيف البيت حته حته وكل مايخصك ياعدوله
ها يابنات تحبوا تبدأوا من امتي
عموما انا هابقي انزل المعموقه الي هتتعمل وكده بليل علشان نصحي الصبح نطبق علطول وهناخد الجمعه اجااازة مدلعاكوا اخر دلع |
رد: قنبله تنظيم وتنظيف البيت حته حته وكل مايخصك ياعدوله
تسلمي
|
رد: قنبله تنظيم وتنظيف البيت حته حته وكل مايخصك ياعدوله
اقتباس:
|
رد: قنبله تنظيم وتنظيف البيت حته حته وكل مايخصك ياعدوله
السلام عليكم ورحمه الله وبركاته ازيكو يابنات عاملين ايه ها فيييين البنااات يلا قولولي ابدا امتي انا مش عايزة انزل حاجه تاني علي الجروب التاني علشان نبذا مع بعض
|
رد: قنبله تنظيم وتنظيف البيت حته حته وكل مايخصك ياعدوله
تسلمي يا قمر
|
رد: قنبله تنظيم وتنظيف البيت حته حته وكل مايخصك ياعدوله
اقتباس:
|
رد: قنبله تنظيم وتنظيف البيت حته حته وكل مايخصك ياعدوله
اقتباس:
|
رد: قنبله تنظيم وتنظيف البيت حته حته وكل مايخصك ياعدوله
اقتباس:
كويس اوي حبيبتي أنا عندي المطبخ مشكلة المشاكل لأن حتى لما أنضفه ويبقى شكله حلو كده من برة بكون زعلانة لأني عارفة لو فتحت أي دولاب بيكون شكله مش مرتب ومش بس المطبخ حتى اوضة نومي برضه الدولاب دايما بحسه مش مرتب وحتى لما برتبه بيتلخبط بسرعة اوي هتابع معاكي إن شاء الله وعادي نبدأ من اليوم اللي تحبيه أنا لغاية ما نبدأ هحاول الشقة وش تكون حلوة دايما وفي انتظار باقي البنات وشكرا لاهتمامك ومجهودك المميز يا ريمي وربنا يوفقك دايما |
رد: قنبله تنظيم وتنظيف البيت حته حته وكل مايخصك ياعدوله
اقتباس:
حبيبتي سيبي موضوع التنظيم ده عليا وعد ان شاء الله هاخليكي تدعيلي كل ماتفتحي اي ضرفه ومن غير تكلفه بس قوليلي الاول مطبخك شكله عامل ازاي ولو عرفتي تصوري تمام لو مش حبه مافيش مشكله انا كده كده هانزل المعاميق ضرفه ضرفه وكمان الدولاب هاوريكوا حاجات بنوفر مساحات كتير وبتخلي شكل الدولاب داينا منظم ان شاء الله تابعيني وان شاء الله نبدا يوم السبت او الاحد هاعرف بكرا لما اشوف تفاعل البنات |
رد: قنبله تنظيم وتنظيف البيت حته حته وكل مايخصك ياعدوله
بقولكوا يابنات انا بفكر ابدا السبت علشان انا بصراحه مستعجله علي المطبخ ها مين هاتبقي معانا مش عايزة بعد مانبدا الاقي ناس دخلت في النص وتبدا في النص عموما ان شاء الله بكرا بليل هانزل هنا وفي الجروب التاني هانعمل ايه السبت وهانزل دلوقتي هنا وهناك اسايات الجروب علشان لما نبدا نكون فاهمين بنعمل ايه
|
رد: قنبله تنظيم وتنظيف البيت حته حته وكل مايخصك ياعدوله
السلام عليكم ورحمه الله وبركاته ازيكو يابنات عاملين ايه هاتكلم عن الاساسيات بتاعه الجروب الي هاندخل ندي التقارير بتاعتنا وهي
الجانب الديني 1-الصلاه ده مش معناه اننا نصلي علي اخر لحظه لا مش ده الي عايزينه انا عايزة اول ما الاذان يأذن نجري نتوضأ وبجد ربنا بيبارك في الحاجه الي بتعمليها لما تصلي الاول 2-اذكار الصباح ودي بعد الفجر والمساء ودي بعد العصر انا عندي برنامج اسمه اذكاري جميل بشغل الاذكار وانا شغاله وبردد وراه طبعا احنا حافظينها بس علشان مش ننسي حاجه 3-الورد اليومي وده حتي لو صفحه بس نستمر عليها احسن من الي بيقرا جزئين وبعدين ينسي لا انا بحب الاستمرارية حتى لو بالقليل نيجي بقي لجانب التنظيف اليومي 1-تهويه الشقه وتشغيل سورة البقرة وده بيدي طاقه ايجابيه غير طبيعيه وبيطرد الطاقه السلبيه والتهويه طبعاً مهمه علشان تغير الهواء 3- ترويق اي حاجه من الكراكيب وتنفيض السراير وترتيبها ولو في لبس يتشال 4-تجيبي بقي فوطه التلميع الجميله بتاعتك والملمع سواء للازاز او الخشب وتمشي علي عفش الشقه كله مش هياخد 10 دقايق ده بالكتير 5- كنس الشقه كلها يوم هانكنس واليوم الي بعده هانمسح لما تمشي بالمكنسه الكهرباء علي الشقه كلها مش هتاخد ربع ساعه لانك بتعملي عمل مستمر وكمان مش هاتحسي بتعب صدقوني جربوا الطريقه دي وهاتدعولي ان شاء الله واليوم الي بعده بجردل واحد هاتخدوا الشقه كلها هاتقولولي ايه ده ياريمي لا طبعا النيه هاتكون مش نضيفه ازاي نمشي بيها علي الشقه لا ياجميل ماانتي لو عملتي زي مابقولك مش هتلاقي الميه مش نضيفه لانك اصلا بتمسحيها يوم اه ويوم لا وهاتشوفي ده بعينك ان شاء الله 6-الاكل كل واحده قبلها بيوم هاتقول هاتعمل اكل ايه وده منه نساعد بعض ف اختيار الاكلات ومنه كمان نكون عارفين هانعمل اكل ايه علشان اول مانصحي نجهزة مش لسه هانختار نعمل ايه ولو في حاجه تتبل بنتبلها علشان تكون غنيه وجميله 7- غسل مواعين الاكل اول باول والبوتجاز والرخامه 8- طبعاً معموقه كل يوم والي هاتكون الاسبوع كله المطبخ كل يوم هاناخد جزء منه تنظيم وتنضيف وهابقي انزلكوا الحاجه من بليل زي ماقلتلكوا يلا اكمل المشاركه الجايه |
رد: قنبله تنظيم وتنظيف البيت حته حته وكل مايخصك ياعدوله
صباح الفل يا ريمي معلش أنا مش بقدر أدخل الجمعة احنا كده هنبدأ من النهاردة ؟ أنا هويت الشقة وبس هقوم دلوقتي بإذن الله أرتب وأغسل المواعين والحمد لله صليت الفجر في وقته وقريت ورد القرآن بس مقولتيش إيه هي معموقة المطبخ أنا برضه مستعجلة عليه |
رد: قنبله تنظيم وتنظيف البيت حته حته وكل مايخصك ياعدوله
اقتباس:
|
رد: قنبله تنظيم وتنظيف البيت حته حته وكل مايخصك ياعدوله
اقتباس:
والموضوع ليه مشاهدات كتيرة ما شاء الله نشتغل جزء بسيط كل يوم علشان كمان منقصرش في الجدول اليومي انا مطبخي يعتبر وسط 4 ضرف تحت و4 فوق واشتريت تربو جديد 4 أدراج بس لسه مدخلش الخدمة عايزاه يدخل الأسبوع ده بإذن الله |
رد: قنبله تنظيم وتنظيف البيت حته حته وكل مايخصك ياعدوله
اه نسيت عندي دوﻻب صغنون كمان
معلش أصلي مش بفتحه كتير وافتكري برضه نعمل التلاجة والبوتاجاز |
رد: قنبله تنظيم وتنظيف البيت حته حته وكل مايخصك ياعدوله
اقتباس:
|
رد: قنبله تنظيم وتنظيف البيت حته حته وكل مايخصك ياعدوله
ازيكوا يابنات يلا انا نزلت المعموقه الاولي الخفيفه بكرا ان شاء الله بليل هانزل تنظيم وتنصيف ضرفه الخزين وهاتكلم عنه كويس لان ده ف ناس كتير بتقابل مشاكل فيه وياريت تجمعوا برطمانات وعلب خزين لو قدرتوا تشتروها لو مش قادرين خلاص اي برطمانات عندكوا بس تكون كبيره لان الخزين كله هانحوله لعلب وشكل مميز ورائع والي معندوش علب بردو في حل تاني ينظم ليهم الحاجه والنهارده وبكرا ياريت كل واحده تقولي هي مخزنه الخزين بتاعها في ضرف ولا تربوا ولا ايه علشان نعرف نظبط مع بعض وده كله في موضوع الدردشه انتظروني بكرا ان شاء الله
|
رد: قنبله تنظيم وتنظيف البيت حته حته وكل مايخصك ياعدوله
اقتباس:
ها ياجميل فينك |
رد: قنبله تنظيم وتنظيف البيت حته حته وكل مايخصك ياعدوله
السلام عليكم ورحمه الله وبركاته ها يابنات يلا هويتوا الشقه وشغلتوا سورة البقرة وترويق الوش اليومي واذكار الصباح وغسل الاسنان وكله كله عايزين ندي التقرير بليل زي ظا الاساسيات بتقول يلا فين الهمه ده انا يادوب عملت ضرفه الحلل ودي اسهل حاجه لسه الباقي الي هايبقي في صور اكتر وافكار اكتر يلا نشااااااااااط
|
رد: قنبله تنظيم وتنظيف البيت حته حته وكل مايخصك ياعدوله
عايزة اخد رايكوا يابنات انزل المشاركات الجديده علي الموضوعين ولا الموضوع المجمع بس
|
رد: قنبله تنظيم وتنظيف البيت حته حته وكل مايخصك ياعدوله
اقتباس:
فينك ياجميل يلا طمنيني عليكي وصلتي لايه |
رد: قنبله تنظيم وتنظيف البيت حته حته وكل مايخصك ياعدوله
ازيك يا ريمي عاملة إيه انا الحمد لله خلصت ضرفة الحلل طلعت كل الحاجة ونضفتها من جوة وبرة كويس ورصيت بنظام وهويت الشقة ورتبتها ولمعتها بس من غير كنس أو مسح والتربو لسه فاضي زي ما اشتريته قوليلى أفكار لتنظيمه |
رد: قنبله تنظيم وتنظيف البيت حته حته وكل مايخصك ياعدوله
وكنت عايزة اشكرك بجد على موضوعك رجعني للنشاط تاني
ﻷن من رمضان معلمتش أي تنضيف عميق كله وش ومش بضمير وكنت مضايقة من نفسي ومن حالة الكسل اللي انا فيها بس مش بعمل حاجة للتغيير بس الحمد لله اهي بداية كويسة جزاك الله كل خير حبيبتي |
رد: قنبله تنظيم وتنظيف البيت حته حته وكل مايخصك ياعدوله
اقتباس:
رينا يخليكي يا جميل وانا كمان بتشجع معركوا ها الضرفه كفت الحلل ولا في حله فوق التانيه طمنيني وانا دلوقتي بكتب معموقه بكرا بس عايزه اقولك علي اقتراح لو العلب الي هانزلها مش عندك وعايزة تشتريها ممكن تخلي الشراء بكرا الصبح وتعملي المعموقه لما ترجعي او ناجلها لبعد بكرا لان المشتربات دي مهمه جدا بجد |
رد: قنبله تنظيم وتنظيف البيت حته حته وكل مايخصك ياعدوله
انا نزلت المعموقه التانيه
|
رد: قنبله تنظيم وتنظيف البيت حته حته وكل مايخصك ياعدوله
صباح الفل عليكوا ياحلوين انا هافطر واحطلي غسله في الغساله واجي اقولكوا عملت ايه يلا عايزة نشااااااااااط
|
رد: قنبله تنظيم وتنظيف البيت حته حته وكل مايخصك ياعدوله
صباح الفل يا ريمي
الف هنا مقدما انا فطرت وبشرب الشاي وبعدين هنطلق بإذن الله |
رد: قنبله تنظيم وتنظيف البيت حته حته وكل مايخصك ياعدوله
اقتباس:
|
رد: قنبله تنظيم وتنظيف البيت حته حته وكل مايخصك ياعدوله
ماتنسوش اذكار المساء
|
رد: قنبله تنظيم وتنظيف البيت حته حته وكل مايخصك ياعدوله
ازيك يا ريمي تقرير النهاردة ومعلش هو بسيط علشان انشغلت بالغدا هويت الشقة الصبح ورتبت ترتيب بسيط وفضيت دولاب الخزين ونضفته بس لسه ما رتبتوش سبته يتهوى وهخلص التقرير وأصلي المغرب وأرتبه بإذن الله أنا عجبتني فكرة السبت لأن معنديش علب كفاية ومش هخرج قبل يوم الخميس وبعدين يا ريمي انتي امبارح مقلتيش إن ضرفة الحلل هتكون للحلل بس أنا حطيت الطاسات وكام علبة بلاستيك والصواني المدورة وشلت المستطيلة بس شطورة مش كده علشان كده حطيت الحلل فوق بعض لأنها طبعا مكفتش كل ابداعاتي على العموم إن شاء الله لما نيجي لتنظيم الطاسات هطلعهم وأحطهم في مكانهم وفي انتظار واجب بكرة |
رد: قنبله تنظيم وتنظيف البيت حته حته وكل مايخصك ياعدوله
اقتباس:
هههههههههه مافيش مشكله بس انا هافهمك نظامي ايه ومتقلقيش كل حاجه ليها مكان متخافيش بس انا مثلا لما بنزل ضرفه حلل ببقي عايزاكوا تعملوا زي الصورة بالظبط وده علشان يكون منظممممم انا مش عايزة انضف قد ماانا عايزة نظااااااام بالنسبه للطاسات ههانزلها النهارده علشان تشليها وكمان البلاستيك هانشيله منها والصواني قوليلي الاول التربو الجديد ده حجمه قد ايه صغير ولا كبير وكان درج |
رد: قنبله تنظيم وتنظيف البيت حته حته وكل مايخصك ياعدوله
تسلمي ي قمر |
رد: قنبله تنظيم وتنظيف البيت حته حته وكل مايخصك ياعدوله
اقتباس:
|
رد: قنبله تنظيم وتنظيف البيت حته حته وكل مايخصك ياعدوله
انا نزلت المعموقه ال 3
|
رد: قنبله تنظيم وتنظيف البيت حته حته وكل مايخصك ياعدوله
صباح الفل عليكوا ياحلوين انا هافطر وجوزي ينرل وهادخل
وتقرير امبارح 1 التقرير الديني الصلاه مش هليا صلاه الاذكار الحمد لله قراءه ورد للاسف لا بس هاعوض النهارده 2تقرير التنظيف اليومي روقت الشقه وش ولميت الغسيل ونشرت مكانته وعملت الغدا ومعموقه وكمان اشتريت فاصوليا خضراء ف عملت علبه فيها فاصوليا وجزر وبطاطس مسلوقه نص سلقه وقلبتهم علي بعض وحطيتها في الفريزر علشان لما احب اعمل سوتيه اطلعه علي الطاسه علطول وتهويه الشقه العنايه خدت الشاور وعملت رجلي بالحجر بس للاسف مش غسلت سناني قبل ماانام ان شاء الله هاغسلها النهارده |
رد: قنبله تنظيم وتنظيف البيت حته حته وكل مايخصك ياعدوله
هافينكوا يابنات صحيح حاجه مهمه جدا معموقه الطاسات دي تتعمل في اي ضرفه يعني جربي كده تعلقي الطاسه وهمي كده قبل ماتخرمي وفينك ياامل مش طمنتيني
|
رد: قنبله تنظيم وتنظيف البيت حته حته وكل مايخصك ياعدوله
صباح الفل يا ريمي
ايه التقارير الجامدة دي ما شاء الله معلش النهاردة معلمتش حاجة المية قاطعة عندي من الصبح فتحت الشقة هويتها وشوية ترتيب بسيط بس إن شاء الله هنظم الطاسات النهاردة وأقول لك اﻷخبار |
رد: قنبله تنظيم وتنظيف البيت حته حته وكل مايخصك ياعدوله
اه نسيت التربو 4 أدراج انا اشتريته ﻷني بحب اﻷدراج بحسها بتنظم أكتر
ومعنديش في المطبخ غير درجين بس وفي حاجة كمان في ترتيب دوﻻب الخزين نشوف تاريخ الصلاحية اللي قرب ينتهي نحطه قدام علشان نستخدمه اﻷول |
رد: قنبله تنظيم وتنظيف البيت حته حته وكل مايخصك ياعدوله
اقتباس:
برافو عليكي فعلا معلومه مهمه علب فكره التربوا ده هايكون تحفه للتخزين درجه للرز والشعريه ودرج لاكياس المكرونات كلها ودرج للبقوليات ودرج لفوط المطبخ او الاكياس وهابقي اقولكوا ازاي بنظم الاكياس قوليلي هاتعملي ايه في الطاسات طمنيني وصحيح انا ممكن اتاخر علي المعموقه النهارده علشان هاروح للدكتور لما اشوف هايقولي ربنا ربنا ييسر |
رد: قنبله تنظيم وتنظيف البيت حته حته وكل مايخصك ياعدوله
صباح الفل عليكي ياامل انا ياستي امبارح اتشغلت اوي ف اني اجيب التحليلات وبصراحه قعئت علي النت كتير علشان اشوف التحليلات وكده المهم خانزل المعموقه دلوقتي ان شاء الله
|
رد: قنبله تنظيم وتنظيف البيت حته حته وكل مايخصك ياعدوله
المعموقه الجديدة نزلت قلت انزلها قبل ماافطر هادخل افطر دلوقتي واجي تاني
|
رد: قنبله تنظيم وتنظيف البيت حته حته وكل مايخصك ياعدوله
مساء الفل يا ريمي معلش امبارح تعبت خدت دور برد غريب في الصيف فمرتبتش الطاسات بس شغل النهاردة بسيط أنا عندي المنظم اللي في أول صورة وفعلا جميل ومريح وألف سلامة عليكي حبيبتي إن شاء الله نتيجة التحاليل تكون كويسةوتطمنينا عليكي وربنا يعوضك خير ويرزقك بأجمل توأم في الدنيا عاجلا غير آجل يا رب وبعدين ولا يهمك وقت ما تكوني فاضية تنزلي الجديد براحتك خالص يا جميل |
رد: قنبله تنظيم وتنظيف البيت حته حته وكل مايخصك ياعدوله
اقتباس:
ياااااه الدخول من اللاب احسن بكتير من الموبايل ده انا كنت بزهق من الموبايل وكمان في وشوش حلوه بس للاسف مش دايما هاعرف اقعد عليه والف سلامه عليكي ياجميل انا الحمد لله مافيش جديد الدكتور قالي امشي زي ماانا واجرب احمل ل 6 مره يلا ربنا يقرب الخير المهم انا دلوقتي هانزل المعموقه الجديده وصحيح المعموقه بتاعه المعالق تشمل الرفايع ياريت تتنظم مش تتحط كلها ف الدرج وصدقيني هاتدوري عندك اكيد هاتلاقي برطمان او اي حاجه تلمهم ايه رايك نصور المعموقه بعد مانخلصها:227: |
رد: قنبله تنظيم وتنظيف البيت حته حته وكل مايخصك ياعدوله
مساء الفل فينك يا ريمي انا النهاردة رتبت شوية المطبخ والبيت لأن اليومين اللي فاتوا كنت بعمل الأكل بس وغسلت ولميت الغسيل بس لسه ما دخلتوش الدولاب وبكرة ان شاء الله هعمل اللي فاتني في الجدول يا رب تكوني بخير حبيبتي |
رد: قنبله تنظيم وتنظيف البيت حته حته وكل مايخصك ياعدوله
اقتباس:
امل حبيبتي معلش بجد اني اتاخرت عليكي بس جوزي قالي هاننزل البلد عند حماتي ولسه راجعيين وهناك مافيش نت معلش ان شاء الله هانزل دلوقتي بس قوليلي الاول عملتي كل المعميق القديمه ولا لا علشان مش عايزه اكوم عليكي علشان مش تزهقي ومعلش ممكن الاول تحسي الموضوع متعب لاننا بنظم لسه لكن بعد كده هايكون اسهل بكتير لان المكان هايكون منظم وارجوكي اهتمي بالتنظيم اكتر من التنضيف ولو مش لاقيه مكان لحاجه صورهالي او اوصفيلي وانا بعون الله هاطلعلك مكان تشيليه فيه دلوقتي استغلال الاماكن الضيقه بقي مشهور جدا وعندي افكار كتير ان اشاء الله اقدر اساعدك علي قد مااعرف لو لسه وراكي حاجه قوليل قبل ماانزل جديد علشان مش يكون كتير وطمنيني عامله ايه دلوقتي:227: |
رد: قنبله تنظيم وتنظيف البيت حته حته وكل مايخصك ياعدوله
اقتباس:
الحمد لله على سلامتك حبيبتي وﻻ يهمك يا قمر المهم انك بخير انا تقريبا خلصت اللي فاتني بس الشقة محتاجة ترتيب شوية عادي لو تحبي ترتاحي النهاردة من السفر ونبدأ بكرة أو تنزلي النهاردة جزء بسيط زي ما تحبي عارفة انا شفت اسمك حسيت بالنشاط من جديد |
رد: قنبله تنظيم وتنظيف البيت حته حته وكل مايخصك ياعدوله
اه واكتر حاجة مش بعرف انظمها أدوات التنضيف نفسها مش عارفة ايه المكان المناسب ليها وانا معاكي جدا في موضوع أن التنظيم أهم من التنضيف ﻷنه بيسهله جدا انا هروح دلوقتي أرتب شوية واغسل المواعين وأرجع تاني بإذن الله |
رد: قنبله تنظيم وتنظيف البيت حته حته وكل مايخصك ياعدوله
اقتباس:
|
رد: قنبله تنظيم وتنظيف البيت حته حته وكل مايخصك ياعدوله
المعموقه الجديده نزلت يابنت
|
رد: قنبله تنظيم وتنظيف البيت حته حته وكل مايخصك ياعدوله
صباح الفل يا ريمي معموقة النهاردة جميلة وترتيب العلب شكله حلو اوي انا هويت الشقة وفطرت وشربت الشاي ودلوقتى هحط الأكل على النار وابدأ الشغل بإذن الله |
رد: قنبله تنظيم وتنظيف البيت حته حته وكل مايخصك ياعدوله
انا عندي ف لخبطه بجيب الصفحه الاخيره بيجيلي الصفحه الاولي وحاجات غريبه بتحصل
|
رد: قنبله تنظيم وتنظيف البيت حته حته وكل مايخصك ياعدوله
موضوع رائع
ممكن اشترك |
رد: قنبله تنظيم وتنظيف البيت حته حته وكل مايخصك ياعدوله
ازيك يا ريمي
جربي في أوقات مختلفة حبيبتي ساعات بتكون مشكلة في النت ربنا ييسر لك أمورك كلها وفي انتظارك يا قمر |
رد: قنبله تنظيم وتنظيف البيت حته حته وكل مايخصك ياعدوله
اقتباس:
احنا لسه بنبتدي بالمطبخ شوفي موضوع اﻷفكار المجمع هيعجبك اوي واكتبي كل يوم تقرير باللي عملتيه علشان نشجع بعض ولو عندك أفكار جديدة قوليها لنا برضه وفي انتظارك يا قمر |
رد: قنبله تنظيم وتنظيف البيت حته حته وكل مايخصك ياعدوله
انا مش عارفه اشوف المشاركات يابنات فيدوني بس اعملوا اقتباس مع الرد ياامل انا بدخل بيجيلي الردورد القديمه مش لاقيه ولاا رد جديد مش عارفه اوصلك
|
رد: قنبله تنظيم وتنظيف البيت حته حته وكل مايخصك ياعدوله
السلام عليكم ورحمه الله وبركاته
انا عايزه احط اسس لتنظيم الموضوع عايزين نحط مواعيد للدخول طبعا ممكن مش تناسب كل الناس بس علي الاقل الي مش عرفت تدخل ف معاد تدخل ف غيره وممكن نظبط الموبايل علي المواعيد علشان مش ننسي وكمان نحط معاد لكتابه التقرير علشان احنا كده مش ملتزمين بكتابه التقارير خالص وكمان ان شاء الله هاثبت يوم ف الاسبوع لماما علشان تكونوا عارفين اني هاخده اجازه وممكن كلنا نتفق علي اليومين الاجازه مع بعض اولا مواعيد الحضور من السعاعه 8 ل 9 بالكتير ندخل نكتب حتي صباح الخير وبس الساعه 10 ندخل نقول عملنا ايه وهانعمل ايه الساعه 4 نقول وصلنا لايه السعه 10 بليل كتابه التقرير دي مواعيد مختلفه لو واحده ف معاد مش قدرت تدخل فيه لظروف ماشي تدخل في المعاد الي يناسبها ممكن تلاقي حد او تدخل ف المعاد الي بعده وبكده هايكون التشيج احسن بكتير وانا اول واحده هاظبط موبايلي علي المواعيد دي بالنسبه للايام الاجازه الجمعه ده اساسي ان شاء الله لان بكون تحت عند حماتي او عندها واليوم التاني هانسبتوا مع بعض علشان اكون فيه عند ماما علشان يكون معروف ان اليومين دول اجازه والمعموقه هاتنزل بعد التقرير بتاعي يعني وانا بكتب التقرير هاقول هانعمل ايه وان شاء الله نلتزم بالقوانين دي كلنا وانا اولكوا |
رد: قنبله تنظيم وتنظيف البيت حته حته وكل مايخصك ياعدوله
انا نزلت معموقه جديده ليوم السبت ان شاء الله ومشكله الردود لسه زي ماهي
|
رد: قنبله تنظيم وتنظيف البيت حته حته وكل مايخصك ياعدوله
يارب بقي تشوفوا المعموقه
وصحيح مقولتوش ايه رايكوا علي الممواعيد |
رد: قنبله تنظيم وتنظيف البيت حته حته وكل مايخصك ياعدوله
اقتباس:
كويس انك عرفتي تنزلي الجديد انا شفتها يا قمر وبكرة بإذن الله ننفذها والمواعيد كويسة اوي يمكن بس ميعاد الساعة 4 لو معرفتش ادخل هكتب التقرير بالليل وحددي براحتك اليوم اللي هتروحي فيه لمامتك مفيش مشكلة يا قمر |
رد: قنبله تنظيم وتنظيف البيت حته حته وكل مايخصك ياعدوله
اقتباس:
|
رد: قنبله تنظيم وتنظيف البيت حته حته وكل مايخصك ياعدوله
اقتباس:
|
رد: قنبله تنظيم وتنظيف البيت حته حته وكل مايخصك ياعدوله
اقتباس:
إن شاء الله هعملك اقتباس على طول بعد كده انا تقريبا عملت الضرف اللي تحت لكن فوق لسه عندي غير اللي قولتى عليه يعني عندي ضرفة بحط فيها الحاجات اللي بستخدمها الرز والسكر والمكرونة والزيت وكده يعني غير دوﻻب الخزين وبرضه فيها رف للمشروبات شاي كاكاو ينسون والحاجات دي وآخر رف فيها في شوية كراكيب ﻷنه عالي فبحط فيه الحاجات اللي مش بستخدمها بصي هحاول اعمله النهاردة وامشي معاكم في الجدول لو ملحقتش يبقى في اليوم اﻹجازة اﻹضافي |
رد: قنبله تنظيم وتنظيف البيت حته حته وكل مايخصك ياعدوله
اقتباس:
|
رد: قنبله تنظيم وتنظيف البيت حته حته وكل مايخصك ياعدوله
يابنات انا حاسه ان الموضوعين مش منظمين وانا فكرت ف حاجه وعايزه اخد رايكوا فيها انا فكرت اعهمل مواضيع منفصله بمعني ايه اني اعمل مثلا موضوع باسم تنظيف البيت حته حته الجزء الاول (المطبخ)
واحط فيه كل حاجه تخص المطبخ من طاطا لسلام عليكم ويكون ف اول الموضوع علشان اي واحده جديده تفتح تشوف كل حاجه تخص المطبخ ولما احنا بقي نخلص كل حاجه تخصض المطبخ اقوم عامله الموضوع التاني وهو تنضيف البيت حته حته الجزء 2 (غرفه النوم) وبرضو احط كل حاجه تخص اوضه النوم مع بعض ولما نخلص مثلا اوضه النوم اقوم عامله موضوع لغرفه المعيشه وهكذا وهكذا ايه رايكوا كده الدنيا هاتكون منظمه اكتر واكتر |
رد: قنبله تنظيم وتنظيف البيت حته حته وكل مايخصك ياعدوله
اقتباس:
صباح الفل يا ريمي لا يا قلبي دولاب الخزين واحد بحط فيه الحاجات المقفولة اللي لسه ما استخدمتهاش لكن في رف في المطبخ في الجزء اللي فوق حاطه فيه الحاجات المفتوحة اللي بستخدمها علشان تكون قريبة مني وأنا مش فاهمة الفكرة الجديدة كويس يعني هيكون موضوع واحد تحطي فيه أفكار التنظيم والجدول اليومي ونكتب فيه التقارير ؟ |
رد: قنبله تنظيم وتنظيف البيت حته حته وكل مايخصك ياعدوله
اقتباس:
صباح الفل ياجميل بصي انا عامله موضوعين صح واحد للتقارير وواحد للمعلومات فانا قلت بدل مايكون المعلومات كلها ف موضوع واحد والناس تشوفها ومش تشارك لا خليني اعمل كل قسم ف الشقه ف موضوع بالتقارير بتاعتها يعني مثلا هانزل موضوع واحد بس للمطبخ بس الموضوع يكون شاااااااااامل يعني كل تنتوفه في المطبخ مره واحده مش كل يوم انزل حاجه بحيث ان اي واحده جديده تدخل الموضوع تلاقي صور وحاجات تشجعها وتكتب التقرير علطول في المشاركات تحت فماني ولا لسه وكمان بدل ما كل يوم انزل معموقه لا انزلهم كلهم مره واحده واحنا مع بعض نقسم براحتنا لو لسه مش فهماني اوي قوليلي انا جت علي بالي متاخر الفكره دي |
رد: قنبله تنظيم وتنظيف البيت حته حته وكل مايخصك ياعدوله
اقتباس:
لا كده فهمت الحمد لله وصلت المعلومة طيب هتبدأي من امتى ؟ |
رد: قنبله تنظيم وتنظيف البيت حته حته وكل مايخصك ياعدوله
اقتباس:
ولو عجبتك هابدا من النهارده واول ماانزل الموضوع هابعتلك اللينك علطول ان شاء الله وكل مااكون فاضيه هاحضر جزء من الشقه وبكده لما اكون مشغوله يادوب انزل الموضوع علطول مش اكون لسه بكتب |
رد: قنبله تنظيم وتنظيف البيت حته حته وكل مايخصك ياعدوله
اقتباس:
وكفاية مجهودك في الموضوع وتنظيمه ومتابعته ومادام هيكون اريح بالنسبة لك يبقى نعمل الفكرة الجديدة وانا معاكي بإذن الله |
رد: قنبله تنظيم وتنظيف البيت حته حته وكل مايخصك ياعدوله
اقتباس:
المهم بقي انا جوزي بقي ينزل بدري اوي وان شاء الله هايرجع بدري بدل ما كان بيرجع 9 بليل يعني ظروف الشغل اتغيرت كده احسن ليا بصراحه بس يارب يكون مريح ليه المهم بقي انا عملت الشقه وش والاكل خلاص داخل علي سوا وصليت والحمد لله صليت وقلت الاذكار هادخل دلوقتي اغسل اسناني علشان منساش واول ماالاكل يخلص واطفي عليه هادخل بقي اخد دش واعمل سويت محتاجه اعمل ضروري لان اتاخرت عليه جدا بس يلا قدر اللهى وماشاء فعل ربنا يسهل يلا قواليل عملتي ايه صحيح انا بصراحه درج الاكياس عملاه ومريح جدا وكمان عامله درج الفوط ورتبتهم النهارده |
رد: قنبله تنظيم وتنظيف البيت حته حته وكل مايخصك ياعدوله
صباح الفل عليكوا يابنات عاملين ايه ورحتوا فين ومش عارفه ليه المشكله لسه مس اتحلت اول صفحة عندي هي اخر صفحه حد عنده كده
|
رد: قنبله تنظيم وتنظيف البيت حته حته وكل مايخصك ياعدوله
https://adlat.net/showthread.php?t=305564
الموضوع الجديد المنظم يلا بينا علي هناااااك |
رد: قنبله تنظيم وتنظيف البيت حته حته وكل مايخصك ياعدوله
اقتباس:
https://adlat.net/showthread.php?t=305564 عملت الموضوع الحمد لله يلا ادخلي وقوليلي رايك وصحيح انا عندي الصفح ملخبطه مش عارفه ليه انتي عندك كده ولا لا يعني عندي مثلا الصفحه الاولي هي الاخيره ومش عارفه اعمل ايه علبشان يتظبط |
رد: قنبله تنظيم وتنظيف البيت حته حته وكل مايخصك ياعدوله
اقتباس:
فينك ياامل طمنيني عليكي يلا ادخلي شوفي الموضوع وطمنيني عليه |
رد: قنبله تنظيم وتنظيف البيت حته حته وكل مايخصك ياعدوله
اقتباس:
صباح الخير يا ريمي أنا آسفة جدا حبيبتي كان عندي شوية حاجات ملخبطة شوية اليومين اللي فاتوا وامبارح جوزي خد أجازة فمعرفتش أدخل ادعي لنا يا ريمي ربنا ييسر لنا أمورنا كلها يا رب والموضوع أكتر من ممتاز حبيبتي ما شاء الله ومنظم وشامل لكل حاجة ربنا يبارك فيكي يا قمر وأنا بإذن الله معاكي من النهاردة قوليلي هتعملي إيه ؟ أنا بفكر أعمل التلاجة بس لو عايزة حاجة غيرها عادي مفيش مشاكل أنا لسه هفطر وأرتب الشقة وأجهز للغدا وعندي كمية مواعين كويسة أوي النهاردة يعني شغل محترم |
رد: قنبله تنظيم وتنظيف البيت حته حته وكل مايخصك ياعدوله
اقتباس:
انا كمان امبارح نزلت اشتريت الطلبات كان البيت فاضي وطبعا محتاجه اعمل التلاجه جدا المفروض كانت تتعمل قبل ماانزل بس مكنتش عامله حسابي ونزلت بدري ورجعت متاخر جدا جدا المهم انا بقي عايزه اعمل جدول للاسبوع يعني مثلا اقول يوم الاحد هانعمل ضرفه الحلل والطاسات الاتنين البلاستيكات والاجهزه الثلاثاء المعالق والرفايع والطواجن الاربع المطبقيه وتحت الحوض وركن المشروبات الخميس الازاز والخزين الجمعه اجازه وابدا السبت من جديد بحيث بردو يبقي معروف كل يوم بتاع ايه فهماني علشان نخلص المطبخ ف اسبوعين وندخل علي باقي الشقه وانا وانتي نكمل مع الجروب التاني وربنا ييسرلك كل امورك يارب ويبعد عنك كل المشاكل يارب |
رد: قنبله تنظيم وتنظيف البيت حته حته وكل مايخصك ياعدوله
اقتباس:
آمين يا رب طيب حبيبتي كويس الجدول بس النهاردة هنعمل حاجة مع التلاجة ولا لأ وتقريري لغاية دلوقتي صحيت بدري الحمد لله وفتحت الشقة تتهوى وحطيت غسيل وفطرت بعدين نضفت البلكونة ونشرت الغسيل صح هنكتب التقارير هنا ولا في الموضوع الجديد وأخبار المنتدى معاكي إيه بتقدري تشوفي كل المشاركات دلوقتي |
رد: قنبله تنظيم وتنظيف البيت حته حته وكل مايخصك ياعدوله
اقتباس:
والحمد لله الادمن ساعديتني والمنتدي رجع اتظبط النهارده الجدول الي هانزله اهو الاربع 17-8 ---- ضرفه الحلل والطاسات وركن المشروبات الخميس والجمعه هايكون اجازه علشان لو واحده مش لحقت تخلص اي حاجه فاتتها لان اكيد ممكن نكون في النص وواحده تدخل فايكون عندها مساحه من الوقت انها توصلنا السبت 20-8 ---- ضرفه الطواجن وضرفه الزيت وضرفه الازاز الاحد 21-8 ---- المطبقيه والرفايع وتحت الحوض الاثنين 22-8 ---- ضرفه البلاستيكات والخزين الثلاثاء 23-8 ---- درج الفويل وفيما شبه وضرفه الاجهزه الاربع 24-8 ---- الاكياس والفوط والتربو الخميس والجمعه اجازه السبت 27-8 ---- التلاجه والفريزر والديب فريزر الاحد 28-8 ---- الفرن الغاز والكهرباء والشفاط الاثنين 29-8 ---- الميكروويف والتوابل والبوتجاز الثلاثاء 30-8 ---- غسل سيراميك المطبخ والارض والحوض الاربع 31-8 ---- غسل سجاده المطبخ والشبك وبكده الحمد لله المطبخ كله تنتوفه تنتوفه خلص قوليلي في اي حاجه تخص المطبخ متكلمتش فيها او اي معلومه ناقصه انزلها |
رد: قنبله تنظيم وتنظيف البيت حته حته وكل مايخصك ياعدوله
مشكورة
|
رد: قنبله تنظيم وتنظيف البيت حته حته وكل مايخصك ياعدوله
اقتباس:
|
رد: قنبله تنظيم وتنظيف البيت حته حته وكل مايخصك ياعدوله
اقتباس:
لا كده تمام يا قمر وكويس ان كل حاجة تكون متحددة علشان نبقى مجهزين من قبلها إن شاء الله أول ما أخلص التلاجة هكتب التقرير اليومي |
رد: قنبله تنظيم وتنظيف البيت حته حته وكل مايخصك ياعدوله
اقتباس:
انا ورايا كتير اوي المفروض جايبه طلبات كتير كلها تتوزع مكانها يعني الكرونات تتفضي في البرطمانات والرز كذلك والخضره بحب اغسلها واقطعها واسيبها تنشف من المايه وبعدين بحطها في علبه ويكون فيها منديل وصحيح ان شاء الله ناويه بعد ما نخلص تنظيم وتنظبف الشقه كلها هاكمل السلسه بردو بمعلومات يعني مثلا مره طرق تفريز الاكل وموضوع تاني يخص ازاي احافظ علي الخضار في التلاجه لاطول وقت وموضوع تاني عن بقع اللبس وهكذا ربنا يقويني ويلهمني من عنده عايزه الناس تتشجع وانا كمان بتشجع معاهم وربنا ييسر يارب بس للاسف المشاركات ضعيفه جدا مش عارفه ليه مافبش نشاط وتفاعل خالص يلا ان شاء الله المواضيع تفضل موجوده والكل يستفاد حتي بدون مشاركات |
رد: قنبله تنظيم وتنظيف البيت حته حته وكل مايخصك ياعدوله
اقتباس:
ده لينك الجروب الجديد منظم اكتر وكاتبه في الاخر الجدول الي هانمشي عليه https://adlat.net/showthread.php?t=305564 |
رد: قنبله تنظيم وتنظيف البيت حته حته وكل مايخصك ياعدوله
الله ينور عليكى
|
رد: قنبله تنظيم وتنظيف البيت حته حته وكل مايخصك ياعدوله
معاكى فى الجروب ان شاء الله
|
رد: قنبله تنظيم وتنظيف البيت حته حته وكل مايخصك ياعدوله
اقتباس:
|
رد: قنبله تنظيم وتنظيف البيت حته حته وكل مايخصك ياعدوله
اقتباس:
|
رد: قنبله تنظيم وتنظيف البيت حته حته وكل مايخصك ياعدوله
اقتباس:
|
رد: قنبله تنظيم وتنظيف البيت حته حته وكل مايخصك ياعدوله
واو ماشاء الله انت تعبت بالموضوع شي
|
رد: قنبله تنظيم وتنظيف البيت حته حته وكل مايخصك ياعدوله
اقتباس:
نورتيني ياجميل شوفتي الجروب بتاع سلسله التنضيف هايعبك ان شاء الله انا حاطه اللينك بتاعه |
رد: قنبله تنظيم وتنظيف البيت حته حته وكل مايخصك ياعدوله
جميل جدا تسلمى يا قمر :-) انا عايزة اتابع معاكى ف انهو جروب
|
الساعة الآن 02:30 PM |