عدلات - الى كل ام..علمى بنتك وابنك النظافة الشخصية..الرجاء الدخول للاهمية

https://upload.3dlat.com/uploads/3dl...cff1c96051.gif

☺حبيباتي من أمهات البنات..... علمي بنتك
https://upload.3dlat.com/uploads/3dl...ca5f017eb3.png

1-تلبس الشراب مرة واحدة
2-تغسل رجليها من ريحة العرق بعد ما تقلع جزمتها
3 -الاندروير يتغير كل يوم وبعد كل خروجة فيها حركة
4-تغير الباد وقت الدورة 3 مرات في اليوم
5-اندرويرات وقت الدورة مبتتحطش مع الغسيل ..
6-الاندويرات عموما يا تتغسل لوحدها على حرارة عالية يا تتنقع لوحدها قبل ما تتحط مع باقي الغسيل
7-تستخدم المناديل تنشف بعد البي بي ويبقى فيه باسكت في الحمام تترمي فيه
8-متسبش نقط دم وراها على القاعدة تتمسح بماية بديتول أو كلور أو كحول أو وايبس مطهرة وتشد السيفون وتغسل اديها
9 -الاندرويرات حاجة خاصة متتسابش ومتتنشرش في اي حتة اللي رايح واللي جاي يشوفها
10 - تتخلص من الشعر تحت الابط باستمرار
11- تغسل تحت الابط وتتخلص من ريحة العرق باستمرار
10-الشعر اللي بيقع في المشط بعد ما تسرح ميتسبش فيه وميترميش في اي حتة
12-تغسل سنانها قبل ما ينام واول اما يصحى ووبعد لما ياكل اكلة فيها بصل أوثوم
13- تستحمى لما تلاقي نفسها غرقانة عرق مش تفتح التكييف
14-هدومها العرقانة تحطها في الغسيل مش تسيبها تنشف وتلبسها تاني
15-هدوم البيت بتتغيير مع الحموم عشان بتعرق زي هدوم الخروج
16- ظوافر اديها ورجليها على طول نظيفة ومقصوصة او متزبطة
17- كعب رجليها يتحك بمبرد او حجر مع كل دش
18- الشعر الطويل التقيل لما بيتغسل ويتلم كحكة وفوقيه طرحة بيكمكم والتوكة القماش بتعمل ريحة وحشة للشعر .. والزيوت في الشعر بتعمل ريحة
19- الحبوب اللي في وشها عايزة نظافة واهتمام
20-تغسل اديها قبل ما تمسك اي أكل وبعد ما تاكل حاجة باديها
ونزود عليه ان ملابس النوم بجامات وملابس اللى هتمل بيها اليوم بلوزات وبنطلونات او حيبات او فساتين سهله الحركة والملمس علشان تتعود ما تجلس فى بيتها بالبجامه طول النهار او بجلابيه وتقول اصل الجو حر لا فى ملابس خفيفة لو دورت هتلاقى بندكورات وتى شيرتات او غير ذلك
وتتسرح كل شويه ولا تكتفى بتسريحه ما بعد القيام من النوم وتضع الكريم على شعرها وتغسل التوك وخصوصا القماش وتلبس صابوه شكله حلو ومريح مش لازم الشبشوب بتاع الحمام تلف بيه على السحاجيد كلها
عشان جوزها يدعيلك وميدعيش عليك ..
عشان محدش يتعامل معاها ويقرف منها ومنك
عشان عيالها يطلعوا نظاف

☺للأمهات الحبيبات العزيزات علمي ابنك لله وللمستقبل وللمجتمع
https://upload.3dlat.com/uploads/3dl...ca5f017eb3.png

1-يلبس الشراب مرة واحدة
2-يغسل رجليه من ريحة العرق بعد ما يقلع جزمته
3 -يقعد وهو بيعمل بي بي او يرفع القاعدة
4-يستنجي
5-يضرب السيفون
6-يغسل ايده بعد البي بي
7-يتخلص من شعر تحت الابط
8 -يغسل تحت الابط ويتخلص من ريحة العرق باستمرار
9-ياكل من غير صوت ومن غير بلالين
10-ميتكرعش بصوت عالي زي هولاكو
11-يغسل سنانه قبل ماينام واول اما يصحى وبعد لماياكل اكلة فيهابصل أو ثوم
12-ميلعبش في مناخيره ولا ودانه ولا سنانه بصوابعه مباشرة ادام الناس ويتعامل بنفس ذات صوابعه من غير غسيل
13- يستحمى لما يلاقي نفسه غرقان عرق مش يفتح التكييف
14-هدومه العرقانة يحطها في الغسيل مش يسيبها تنشف ويلبسها تاني
15-هدوم البيت بتتغيير مع الحموم عشان بتعرق زي هدوم الخروج
عشان مراته تدعيلك ومتدعيش عليك ..
عشان محدش يتعامل معاه ويقرف منه ومنك
المستوى الراقي تربية نظيفة مش تعليم المدارس الأجنبية
الرجل الراقي راقي في نفسه مش وظيفة في شركة مالتيناشيونال وقميص وكرافته سنيه
الهاي كلاس اسلوب حياة مش براندات وعربية وموبيل اخر موديل
لقد هرمنا وهرم المجتمع وبنات الناس
#‏لو_كانوا_يعلمون
#‏دين_الأخلاق
#‏
https://upload.3dlat.com/uploads/3dl...7c22e64a22.gif